മൗനം കൊണ്ട് ഗോസിപ്പുകളെ നേരിട്ട വ്യക്തകളാണ് കാവ്യയും ദിലീപും. മഞ്ജു വാര്യരും ദിലീപും വേര്‍പിരിയാന്‍ കാരണം കാവ്യ മാധവന്‍ ആണെന്ന തരത്തിലുള്ള വാര്‍ത്തകള്‍ സജീവമായിരുന്നു. പിന്നീട് പല തവണ കാവ്യയും ദിലീപും വിവാഹിതരാകാന്‍ പോകുന്നു എന്ന തരത്തില്‍ വാര്‍ത്തകള്‍ വന്നു. രണ്ട് പേരും വാര്‍ത്തകളോട് കാര്യമായി പ്രതികരിച്ചൊന്നുമില്ല. തെറ്റു ചെയ്തട്ടില്ലെങ്കില്‍ പിന്നെ എന്തിന് ഗോസിപ്പുകളെ പേടിച്ച് മാറി നില്‍ക്കണം എന്നാവാം ഇവര്‍ ചിന്തിക്കുന്നത്.
പക്ഷെ മലയാളത്തിന്റെ ഏറ്റവും മികച്ച താരജോഡികളായ കാവ്യ മാധവനെയും ദിലീപിനെയും വെള്ളരിപ്രാവിന്റെ ചങ്ങാതി എന്ന ചിത്രത്തിലാണ് ഒടുവില്‍ ഒന്നിച്ചത്. ഇപ്പോള്‍ അടൂര്‍ ഗോപാലകൃഷ്ണന്റെ പിന്നെയും എന്ന ചിത്രത്തിലൂടെ വീണ്ടും ഒന്നിച്ചു. ഇന്നാണ് ചിത്രത്തിന്റെ റിലീസ്.
അങ്ങനെ വിവാദങ്ങളെ ഭയന്ന് സിനിമ ഉപേക്ഷിച്ചിട്ടില്ല എന്ന് കാവ്യയും ദിലീപും വ്യക്തമാക്കി. പ്രേക്ഷക മനസ്സില്‍ സ്ഥാനം നേടിയ ജോഡികളായതുകൊണ്ട് തന്നെ ഒരു ഘട്ടം കഴിഞ്ഞപ്പോള്‍ കുറച്ചുകൂടി സെലക്ടീവാകാന്‍ ഞങ്ങള്‍ തീരുമാനിക്കുകയായിരുന്നു
ഞങ്ങള്‍ക്ക് പ്രേക്ഷകര്‍ തന്ന വില കളയരുതല്ലോ. അതുകൊണ്ടാണ് ഇത്ര വലിയ ഇടവേള വന്നത്. വെള്ളരിപ്രാവിന്റെ ചങ്ങാതികളിലാണ് ഒടുവില്‍ ഒന്നിച്ച് അഭിനയിച്ചത്. വെള്ളരിപ്രാവ് ചെയ്തിട്ട് ഇപ്പോള്‍ അഞ്ച് വര്‍ഷമായി.