വിവാഹ മോചനം കഴിഞ്ഞാല്‍ നടിമാരുടെ അടുത്ത ലക്ഷ്യം സിനിമയിലേക്ക് തിരിച്ചു വരികയാണ്. അതേ അവസ്ഥയിലേക്കാണ് ദിവ്യ ഉണ്ണിയും എത്തുന്നത്. ഡൈവേഴ്‌സ് ആയ നടിമാരെ മലയാളി പ്രേക്ഷകര്‍ സ്വീകരിക്കുന്നതാണ് പലര്‍ക്കും പ്രചോദനം.

വിവാഹം കഴിഞ്ഞ് അഭിനയിക്കില്ല എന്നു പറഞ്ഞിട്ടില്ലെന്ന് ദിവ്യ ഉണ്ണി വ്യക്തമാക്കി. മാത്രമല്ല കല്യാണം കഴിഞ്ഞു ഒരു സിരിയല്‍ ചെയ്തു. മുസാഫിര്‍ എന്ന ചിത്രത്തില്‍ അതിഥി വേഷവും ചെയ്തു. എല്ലം ശരിയായി വന്നാല്‍ ഇനിയും സിനിമയില്‍ അഭിനയിക്കുമെന്നും ദിവ്യ പറഞ്ഞു.

ചെയ്യാന്‍ ഇന്നും ആഗ്രഹമുള്ള സിനിമയെയും കഥാപാത്രത്തെയും കുറിച്ച് ദിവ്യ ഉണ്ണി മനസ്സു തുറക്കുന്നു. അങ്ങനൊരു സിനിമ ചെയ്യാന്‍ ഇനിയും ആഗ്രഹമുണ്ട്. കമലദളം പോലെ ഒരു സിനിമ ചെയ്യണം എന്ന് ഇപ്പോഴും ആഗ്രഹമുണ്ട്. ചിത്രത്തില്‍ മുഴുനീളന്‍ ഡാന്‍സ് വേഷം വേണം എന്നും ദിവ്യ ഉണ്ണി പറഞ്ഞു.

വിവാഹമോചനത്തിനു ശേഷം സിനിമയിലേക്ക് തിരിച്ചുവരാനുള്ള ഒരുക്കത്തിലാണു ദിവ്യ ഉണ്ണി. മഞ്ജു ചേച്ചി തിരിച്ചു വന്നതില്‍ ഏറ്റവും കൂടുതല്‍ സന്തോഷിക്കുന്നത് താനാണെന്നു ദിവ്യ നേരത്തെ വ്യക്തമാക്കിയിരുന്നു. ചേച്ചി പെട്ടന്നു നൃത്തം ഉപേക്ഷിച്ചു പോയപ്പോള്‍ വിഷമം തോന്നി. വര്‍ഷങ്ങള്‍ക്ക് ശേഷം ചേച്ചി വീണ്ടും നൃത്തം ചെയ്തു എന്ന വാര്‍ത്ത കണ്ടപ്പോള്‍ ഒരുപാട് സന്തോഷം തോന്നി.