ജയസൂര്യയുടെ ഭാര്യ സരിത കോസ്റ്റിയൂമറിലൂടെ സിനിമയില്‍ തന്റേതായ ആധിപത്യം ഉറപ്പിക്കുന്നു. പ്രേതത്തില്‍ ജയസൂര്യയുടെയും രണ്ട് നായികമാരുടെയും കോസ്റ്റിയൂം ഡിസൈന്‍ ചെയ്തിരിക്കുന്നത് സരിതയാണ്. പുണ്യാളന്‍ അഗര്‍ബത്തിയിലൂടെയാണ് സരിത കോസ്റ്റിയൂമറായത്. കൊച്ചിയില്‍ ഫാഷന്‍ വസ്ത്രാലയം നടത്തുന്ന സരിത ജയസൂര്യക്ക് കോസ്റ്റിയൂംസ് സെലക്ട് ചെയ്യുന്നത് കണ്ടാണ് സംവിധായകന്‍ രഞ്ജിത് ശങ്കര്‍ സരിതയെ കോസ്റ്റിയൂമറാക്കിയത്. പുണ്യാളന്‍ അഗര്‍ബത്തീസായിരുന്നു ആദ്യ ചിത്രം. അതിലെ ജയസൂര്യയുടെ ഷര്‍ട്ടും മുണ്ടും നൈല ഉഷയുടെ ചുരിദാറുകളും ശ്രദ്ധിക്കപ്പെട്ടിരുന്നു. 

പിന്നീട് സു സു സുധി വാത്മീകത്തിലേക്ക് ക്ഷണിച്ചു. കാലത്തിനനുസരിച്ച് ജയസൂര്യയുടെ വേഷവിധാനത്തില്‍ മാറ്റം വരുത്തി സരിത ഞെട്ടിച്ചു. 25 വയസുകാരനായ കഥാപാത്രത്തിന് പാന്റും ഹാഫ് കൈ ഷര്‍ട്ടും നല്‍കി. പിന്നീട് അയാള്‍ക്ക് നാല്‍പത് വയസാകുമ്പോള്‍ പാന്റും ജുബ്ബയും നല്‍കി. അങ്ങനെ മൊത്തത്തില്‍ കാലത്തിന്റെ മാറ്റം കഥാപാത്രത്തിന് ഫീല്‍ ചെയ്യിച്ചു. ജയസൂര്യക്ക് നാഷണല്‍ അവാര്‍ഡ് പ്രത്യേക പരാമര്‍ശം ലഭിച്ചു. പ്രേതത്തില്‍ ജയസൂര്യക്കായി ഒരുക്കിയ കോസ്റ്റിയൂംസ് ഇതിനകം ട്രെന്‍ഡായിക്കഴിഞ്ഞു. അത്രയേറെ പുതുമയാണ് ജയസൂര്യയുടെ കോസ്റ്റിയൂമിന്. 

ഈസി ഗോയിംഗ് സ്വഭാവമുള്ള കഥാപാത്രമാണ് ജയസൂര്യയുടേത്. മാത്രമല്ല ബീച്ചിന് സമീപമുളള റിസോര്‍ട്ടിലാണ് അവര്‍ താമസിക്കുന്നത്. അതിന് അനുസരിച്ചുള്ള കോസ്റ്റിയൂമും കൂടിയാണ്. ജ്യൂട്ടും ലിനനുമാണ് കോസ്റ്റിയൂമിന്റെ മെറ്റീരിയല്‍സ്. അവളരെ അപൂര്‍വമായി മാത്രമേ ഇത്തരം വ്യത്യസ്തമായ രീതിയില്‍ കോസ്റ്റിയൂമ്‌സ് തുാനുള്ള സാഹചര്യം ലഭിക്കൂ. അതിനാല്‍ താരത്തിന്റെ ഭാര്യ ഏറെ സന്തോഷവതിയാണ്. എറണാകുളം പനമ്പിള്ളി നഗറില്‍ ദേജാവു എന്ന ഫാഷന്‍ ബൊട്ടിക് സരിത നടത്തുന്നുണ്ട്.