പുതിയ സിനിമാക്കാരില്‍ പലരും സീനിയറായ ആര്‍ട്ടിസ്റ്റുകളോടും സാങ്കേതിക വിദഗ്ധരോടും മാന്യമായി പെരുമാറുകയോ ബഹുമാനിക്കുകയോ ചെയ്യില്ലെന്ന് വ്യാപക പരാതിയുണ്ട്. എന്നാല്‍ ബഹുമാനിക്കുന്നവരും മാന്യമായി പെരുമാറുന്ന ചുരുക്കം ആളുകളുമുണ്ട് പുതിയതലമുറയില്‍. അടുത്തിടെ ജയസൂര്യയുടെ ഇടി എന്ന സിനിമയുടെ ലൊക്കേഷനില്‍ ക്യാമറാമാന്‍ അഴഗപ്പന്‍ ചെന്നിരുന്നു. ജയസൂര്യക്ക് നല്ല തിരക്കാണിപ്പോള്‍. താരത്തിന് പുറമേ നിര്‍മാതാവ് കൂടിയാണ് അദ്ദേഹം. ലൊക്കേഷനിലെത്തിയ അഴഗപ്പന് ജയസൂര്യ മാന്യമായ സ്വീകരണം നല്‍കി. പഴയകാല കാര്യങ്ങള്‍ സംസാരിച്ചു. പുതിയ പ്രോജക്ടുകളെ കുറിച്ചും. 

ഇതിനിടയില്‍ ഇടിയുടെ സംവിധായകന്‍ സാജിത് യാഹിയ അതുവഴി കടന്ന് പോയി. അഴഗപ്പനെ കണ്ടിട്ടും സാജിത് യാഹിയ കണാത്ത മട്ടില്‍ നടന്ന് പോയി. അത് ജയസൂര്യക്ക് ഇഷ്ടപ്പെട്ടില്ല. താരം സംവിധായകനെ തടഞ്ഞ് നിര്‍ത്തി. ഇദ്ദേഹം അഴഗപ്പന്‍, പ്രശസ്ത ക്യാമറാമാനും സംവിധായകനുമാണ്. കണ്ടിട്ട് വിഷ് ചെയ്യാത്തതെന്ത്. എന്നാല്‍ സംവിധായകന്റെ മറുപടി ജയസൂര്യയെയും അഴഗപ്പനെയും ഞെട്ടിച്ചു. എനിക്ക് ഇയാളെ ഒരു പരിചയവുമില്ല, പേര് ഞാന്‍ കേട്ടിട്ട് പോലുമില്ല. പിന്നെ ഞാനെന്തിന് മൈന്‍ഡ് ചെയ്യണം.

ഒരു സിനിമ ചെയ്യുന്ന താന്‍ അതേ മേഖലയില്‍ പ്രശസ്തനായ ഡയറക്ടറെ അറിയില്ലെങ്കില്‍ പിന്നെ താനൊക്കെ എന്ത് മനുഷ്യരാടോ എന്ന് ജയസൂര്യ ചൂടായി. ഒടുവില്‍ അഴഗപ്പന്‍ ഇടപെട്ടാണ് ജയസൂര്യയെ തണുപ്പിച്ചത്. എന്തായാലും സംവിധായകന്റെ അഹങ്കാരത്തിന് പ്രേക്ഷകര്‍ നല്ല പണി കൊടുത്തു. ഇടി തിയേറ്ററുകളില്‍ വലിയ പരാജയമാണ് സൃഷ്ടിച്ചിരിക്കുന്നത്. പോരാത്തതിന് ഇന്റര്‍നെറ്റിലും ചിത്രം ലീക്കായി.