കാവ്യയും ദിലീപും തമ്മിലുള്ള ബന്ധത്തിന്റെ രസകരമായ നിമിഷങ്ങളാണ് അടുത്തിടെ വന്നുകൊണ്ടിരിക്കുന്നത്. കാവ്യ തന്റെ ആദ്യാനുരാഗം തെങ്കാശിപ്പട്ടണത്തിന്റെ സെറ്റില്‍ വച്ച് ദിലീപിനോട് തുറന്നു പറഞ്ഞു.
വീടിനടുത്തുള്ള ഒരു ചേച്ചി കാവ്യയോട് എന്നും ഒരു ചെറുപ്പക്കാരനെക്കുറിച്ച് പറയുമായിരുന്നു. കാവ്യ ഒരിക്കലും അയാളെ കണ്ടിട്ടില്ല. എന്നാല്‍ അയാള്‍ എന്നു കാവ്യയെ കാണും. താരത്തിന്റെ ഒരു സിനിമ പോലും വിടാതെ അയാള്‍ കാണുമായിരുന്നത്രേ. സ്ഥിരമായി ചേച്ചിയുടെ ഈ പറച്ചില്‍ കേട്ടപ്പോള്‍ കാവ്യയ്ക്ക് ആ ചെറുപ്പക്കാരനോട് ഇഷ്ടം തോന്നി.
കാണാമറയത്തുള്ള കാമുകനെ കാണണമെന്ന് കാവ്യ ഒരിക്കല്‍ ആഗ്രഹം പ്രകടിപ്പിച്ചു. എന്നാല്‍ കാവ്യയുടെ ഹൃദയം തകര്‍ത്തുകൊണ്ട് ചേച്ചി ആ സത്യം തുറന്നു പറഞ്ഞു. ആ ചെറുപ്പക്കാരന്‍ രണ്ട് ദിവസം മുമ്പ് അസുഖം വന്ന് മരിച്ചുപോയി എന്ന്...
ഈ സംഭവം ദിലീപിനോട് പറഞ്ഞപ്പോള്‍ കാവ്യയുടെ കണ്ണ് നിറഞ്ഞു പോയിരുന്നു. പക്ഷേ കഥ കേട്ട് ദിലീപിനും സങ്കടം വന്നെങ്കിലും പെട്ടെന്ന് ദിലീപ് പൊട്ടിച്ചിരിക്കുകയായിരുന്നു. കാരണം കാവ്യയുടെ ഇഷ്ടം പിടിച്ചു പറ്റാന്‍ ആ ചേച്ചി ഉണ്ടാക്കിയ കള്ളക്കഥയാ... അതോടെ കാവ്യയും ചിരിച്ചു.