തമിഴിലും തെലുങ്കിലും ഏറെ തിരക്കുള്ള നായികയായ അനുഷ്‌ക ഷെട്ടി തെന്നിന്ത്യയിലെ പ്രമുഖ നിര്‍മ്മാതാവുമായി പ്രണയത്തിലായിരിക്കുന്നു എന്നാണ് താരലോകത്തെ ഏറ്റവും പുതിയ ഗോസിപ്പ്. ഇരുടെ വിവാഹം ഉടന്‍ ഉണ്ടാകുമെന്നാണ് സൂചന. ഇദ്ദേഹം വിവാഹിതനാണെന്നും സൂചനയുണ്ട്. നടന്‍ ചിരഞ്ജീവിയുടെ അടുത്ത ബന്ധുവാണ് ഇദ്ദേഹമെന്നാണ് വിവരം. അനുഷ്‌ക അടുത്തിടെ അഭിനയിച്ച ഒരു ചിത്രം ഇദ്ദേഹമാണ് നിര്‍മ്മിച്ചത്.

എന്നാല്‍ അനുഷ്‌കയുടെ വീട്ടുകാര്‍ക്ക് ഈ ബന്ധത്തില്‍ താല്‍പ്പര്യമില്ലെന്നും അവര്‍ മകള്‍ക്കു വേണ്ടി വിവാഹാലോചനകള്‍ തുടങ്ങിയെന്നും വിവരമുണ്ട്. ഇതേത്തുടര്‍ന്ന് ഇരുവരും ഉടന്‍ വിവാഹിതരായേക്കാനും സാധ്യതയുണ്ടെന്നാണ് റിപ്പോര്‍ട്ടുകള്‍.

എസ്എസ് രാജമൗലിയുടെ ബഹുബലി രണ്ടാം ഭാഗത്തിന്റെ തിരക്കിലാണ് നടി അനുഷ്‌ക ഷെട്ടി. പ്രചരിക്കുന്ന വാര്‍ത്തകളെ കുറിച്ച് അനുഷ്‌ക ഷെട്ടിയോ നിര്‍മാതാവോ പ്രതികരിച്ചിട്ടില്ല.