അമിതാഭ് ബച്ചനെതിരെ സമൂഹമാധ്യമത്തില്‍ രൂക്ഷപരിഹാസത്തിന്റെ അമ്പുതൊടുത്ത ജസ്റ്റിസ് മാര്‍ക്കണ്ഡേയ കട്ജുവിനു ബച്ചന്റെ വക തകര്‍പ്പന്‍ മറുപടി. മികച്ച നടനായിട്ടെന്തു നല്ലൊരു അഭിനേതാവെന്നു മാറ്റി നിര്‍ത്തിയാല്‍ അമിതാബ് ബച്ചനില്‍ മറ്റെന്താണുള്ളത്. രാജ്യത്തെ അടിസ്ഥാന പ്രശ്നങ്ങള്‍ക്ക് പരിഹാരം കണ്ടെത്താന്‍ എന്തെങ്കിലും ശാസ്ത്രീയമായ ആശയം അദേഹത്തിനുണ്ടോ എന്നായിരുന്നു കട്ജുവിന്റെ ചോദ്യം.

ആരാധകരെ മയക്കുന്നതാണ് ബച്ചന്റെ ചിത്രങ്ങള്‍. ജനങ്ങള്‍ക്ക് നല്ലത് ചെയ്യാന്‍ ഈ ചിത്രങ്ങളിലൂടെ സാധിക്കുന്നില്ല. ജനങ്ങള്‍ക്ക് ഭക്ഷണം കൊടുക്കാന്‍ നിങ്ങള്‍ക്ക് കഴിയുന്നില്ലെങ്കില്‍ അവര്‍ക്ക് സര്‍ക്കസ് കാണിച്ചു കൊടുക്കുക എന്നാണ് റോമന്‍ ഭരണാധികാരികള്‍ പറഞ്ഞത്. അതു പോലെ രാജ്യത്തെ ജനങ്ങള്‍ക്ക് ബച്ചന്‍ സര്‍ക്കസാണ് കാണിക്കുന്നതെന്നും കട്ജു പരിഹസിച്ചു.

കട്ജുവിന്റെ വാക്കുകള്‍ നൂറു ശതമാനവും സത്യമാണ്, തന്റെ തലയില്‍ ഒന്നുമില്ലെന്നുമാണ് ബച്ചന്‍ തനിക്കെതിരെ വന്ന ആരോപണത്തിന് മറുപടി നല്‍കിയത്. കാലാകാലങ്ങളില്‍ ചാനലുകളില്‍ പ്രത്യക്ഷപ്പെട്ട് ഉപദേശങ്ങള്‍ നല്‍കുകയും നല്ല കാര്യങ്ങള്‍ ചെയ്യുന്നതായി ഭാവിക്കുകയും മാത്രമാണ് അദ്ദേഹം ചെയ്യുന്നത്. കൈയില്‍ ടണ്‍കണക്കിന് പണമുള്ള ആര്‍ക്കും ചെയ്യാവുന്നതേയുള്ളൂ ഇതൊക്കെ എന്നും കട്ജു കഴിഞ്ഞ ദിവസം അമിതാഭിനെതിരെ പറഞ്ഞിരുന്നു.