സീരിയല് അഭിനയം പവര്ഫുള്; സിനിമ അങ്ങനെയല്ലെന്ന് ഗായത്രി
സീരിയലില് അഭിനയിക്കുമ്പോള് കുറച്ചുകൂടി പവര്ഫുള്ളായി ചെയ്യാന് സംവിധായകന് നിര്ദ്ദേശിക്കും എന്നാല്, സിനിമയില് വന്നപ്പോള് നോര്മലായി എങ്ങനെ ചെയ്യുന്നുവോ, ആ രീതിയില് അഭിനയിക്കാനാണ് പറയുന്നതെന്ന് നടി ഗായത്രി അരുണ്. അഭിനയം അടിസ്ഥാനമായി നോക്കിയാല് ഒന്നുതന്നെയാണെങ്കിലും ഈ വ്യത്യാസം ഫീല് ചെയ്തിട്ടുണ്ടെന്ന് ഗായത്രി പറഞ്ഞു.
പരസ്പരം എന്ന ടെലിവിഷന് സീരിയലിലൂടെ മിനിസ്ക്രീന് പ്രേക്ഷകരുടെ ഇഷ്ടതാരമായി മാറിയ നടി ഗായത്രി അരുണ് ഇതാദ്യമായാണ് ഒരു സിനിമയില് അഭിനയിക്കുന്നത്. 'ഇന്ദിര' എന്ന സീരിയലില് അഭിനയിച്ചു കൊണ്ടായിരുന്നു ഗായത്രി അഭിനയരംഗത്ത് തുടക്കമിട്ടത്.
പരസ്പരം എന്ന സീരിയലാണ് ഗായത്രിയെ താരമാക്കിയത്. ഷൂട്ടിംഗ് തുടങ്ങിയശേഷം കുറെ വൈകിയാണ് 'സര്വ്വോപരി പാലാക്കാരന്' എന്ന സിനിമയില് നായികാ കഥാപാത്രത്തിലേയ്ക്ക് ക്ഷണിച്ചതെന്ന് പാലായിലെ ലൊക്കേഷനില് വച്ച് ഗായത്രി അരുണ് പറഞ്ഞു. 'പരസ്പര'ത്തിനുവേണ്ടി ഡേറ്റ്സ് കൃത്യമായി നല്കുന്നതിനാല് സിനിമയുടെ ഓഫറുകള് പലതും സ്വീകരിക്കാനായില്ല. എന്നാല് തനിക്ക് കണ്വീനിയന്റായിട്ടുള്ള ഡേറ്റ്സ് ഈ സിനിമയ്ക്ക് നല്കാന് കഴിഞ്ഞതിനാല് ആദ്യമായി ഒരു സിനിമയില് അഭിനയിക്കാന് കഴിഞ്ഞു. വേണുഗോപന് സംവിധാനം ചെയ്യുന്ന ചിത്രത്തില് അനൂപ്മേനോന് ചെയ്യുന്ന സ്പെഷ്യല് ബ്രാഞ്ച് സി.ഐയുടെ സീനിയര് ഓഫീസറുടെ വേഷമാണ് ഗായത്രിക്ക് ഈ സിനിമയില് ലഭിച്ചിരിക്കുന്നത്.
ഗസ്റ്റ് അപ്പിയറേന്സ് എന്ന നിലയിലാണ് ഈ സിനിമയിലെത്തുന്നതെന്നും ഗായത്രി പറഞ്ഞു. സീരിയലുകളാണ് തന്നെ കുടുംബപ്രേക്ഷകരുടെ പ്രിയതാരമാക്കിയത്. അത് വെറും അഭിനയം മാത്രമല്ല ഉപജീവനം കൂടിയാണ്. എന്നാല് സിനിമ അങ്ങനെയാകുമെന്ന് പറയാനാകില്ല. എന്തായാലും ആദ്യ സിനിമ കഴിഞ്ഞേ കൂടുതല് കാര്യങ്ങള് തീരുമാനിക്കൂ എന്നും താരം പറഞ്ഞു. സീരിയലില് നിന്ന് സിനിമയിലെത്തി സ്റ്റാറായവര് കുറവാണെന്നും താരം ഓര്മിച്ചു .
https://www.facebook.com/Malayalivartha
