ബലാത്സംഗം നടന്ന രാത്രിയില്‍ ശരിക്ക് ഉറങ്ങാന്‍ പോലും തനിക്ക് സാധിച്ചില്ലെന്ന് തപ്‌സി. അത് അഭിനയമായി ഉള്‍ക്കൊള്ളാന്‍ കഴിഞ്ഞില്ല. അമിതാഭ് ബച്ചനൊപ്പം അഭിനയിച്ച പിങ്ക് എന്ന ചിത്രത്തിലാണ് ഞാന്‍ ബലാത്സംഗം ചെയ്യപ്പെടുന്ന യുവതിയായി അഭിനയിച്ചത്. ഈ രംഗം അഭിനയിച്ചപ്പോള്‍ യഥാര്‍ത്ഥത്തില്‍ സ്ത്രീകള്‍ എത്രമാത്രം ക്രൂരത അനുഭവിക്കുന്നു എന്ന് ഞാന്‍ മനസിലാക്കി. ഷൂട്ടിംഗ് കഴിഞ്ഞപ്പോള്‍ ഞാന്‍ കരഞ്ഞു പോയി.പിന്നീട് സംവിധായകരും മറ്റും വന്ന് ഇത് അഭിനയമാണ് വിഷമിക്കേണ്ട എന്ന് പറഞ്ഞ് സമാധാനിപ്പിക്കുകയായിരുന്നു.

സ്ത്രീകളെ ബലാത്സംഗം ചെയ്യുന്ന രീതി എന്ന് നിര്‍ത്തുന്നുവോ അന്നായിരിക്കും അവര്‍ക്ക് സ്വാതന്ത്ര്യം ലഭിക്കുക. പാതിരാത്രിയില്‍ ഒരു സ്ത്രീ ഒറ്റയ്ക്ക് സഞ്ചരിച്ച് നിശ്ചിത സ്ഥലത്ത് എത്തിച്ചേരുമ്പോളേ സ്ത്രീകള്‍ക്ക് പൂര്‍ണമായി സ്വാതന്ത്രയം ലഭിച്ചൂ എന്ന് പറയാനാകു എന്നും തപ്‌സി പറയുന്നു.

സ്ത്രീകളെ ശരിക്കും ബഹുമാനിക്കണം. പിങ്ക് എന്ന സിനിമ കാണുമ്പോള്‍ സ്ത്രീ അനുഭവിക്കുന്ന ദയനീയാവസ്ഥ നിങ്ങള്‍ക്ക് മനസിലാകും.പിങ്ക സിനിമയ്ക്ക് 80 ശതമാനം ബലാത്സംഗത്തെ ചെറുക്കാനാകുമെന്നും തപ്‌സി പ്രത്യാശ പ്രകടിപ്പിച്ചു.