ഡ്രഗ് കേസില് ചോദ്യം ചെയ്യല്; നടി ചാര്മി കൗറിന് അരിശം തീരുന്നില്ല
തെന്നിന്ത്യയിലെ ഗ്ലാമര് നായികാ താരമാണ് നടി ചാര്മി കൗര്. ഇപ്പോഴിതാ ഒരു കേസിലകപ്പെട്ടതിന്റെ അങ്കലാപ്പിലാണ് താരം. ഹൈദരാബാദില് ഈയിടെ ഒരു വലിയ മയക്കുമരുന്നു മാഫിയ ഗാങിനെ അറസ്റ്റ് ചെയ്തിരുന്നു,കൂട്ടത്തില് മുന്നിര നടീനടന്മാരെയും അറസ്റ്റ് ചെയ്തിരുന്നു. അതുമായി ബന്ധപ്പെട്ടാണ് ചാര്മിയെ പോലീസ് ചോദ്യം ചെയ്യലിന് വിളിപ്പിച്ചത്. അതോടെ തന്റെ ഇമേജിന് കോട്ടം സംഭവിച്ചിരിക്കുകയാണ് എന്ന് പരിതാപപ്പെടുകയാണ് നടി.
സ്പെഷ്യല് ഇന്വെസ്റ്റിഗേറ്റിംഗ് ടീമിനോട് ചോദ്യം അന്വേഷണത്തില് സഹകരിക്കുന്ന നടി,താന് ഒരു യുവനടി ആയതിനാലും വിവാഹം കഴിക്കാത്തതിനാലും ഈ മയക്കുമരുന്നു കേസില് തന്റെ പേര് വലിച്ചിഴക്കപ്പെടുന്നത് തന്റെ പേരിനും ഇമേജിനും വലിയ കളങ്കം സൃഷ്ടിക്കുമെന്ന് ഹൈദരാബാദ് ഹൈക്കോടതിയില് വാദിച്ചു. നടിയുടെ രക്ത സാമ്പിളും തലമുടിയും നഖവും മറ്റും പരിശോധനയ്ക്കായി അന്വേഷണ ഉദ്യോഗസ്ഥര് ശേഖരിച്ചിരുന്നു.
മയക്കുമരുന്ന് രാജാക്കന്മാരിലൊരാളായ കാല്വിന് മസ്ക്കരാനസിന്റെ ഫോണ് കോണ്ടാക്ട് ലിസ്റ്റില് ചാര്മി ഉള്പ്പെടെ തെലുഗ് ചലച്ചിത്ര ലോകത്തെ പ്രമുഖരുടെ പേരുകള് കണ്ടതിനാലാണ് പോലീസ് ചാര്മിയെ ചോദ്യം ചെയ്തത്.
https://www.facebook.com/Malayalivartha