മകനെതിരെ പരാതി നല്കിയ യുവനടിയ്ക്കെതിരെ രൂക്ഷ പ്രതികരണവുമായി ലാല്;പരാതിയില് പേടിച്ച് പിന്മാറില്ല
യുവനടിക്ക് പ്രതിഫലം നല്കാതിരിക്കുകയും അശ്ലീല ചുവയോടെ സംസാരിക്കുകയും ചെയ്തെന്ന പേരില് മകനും സംവിധായകനുമായ ജീന്പോള് ലാല്, യുവ നടന് ശ്രീനാഥ് ഭാസി എന്നിവര്ക്കെതിരെ പരാതി നല്കിയ യുവനടിക്കെതിരെ രൂക്ഷവിമര്ശനവുമായി ലാല് രംഗത്തെത്തി.
ചിത്രത്തില് നടിയുടെ അഭിനയം മോശമായിരുന്നെന്നും അതിനാലാണ് പറഞ്ഞു വിട്ടതെന്നും ലാല് മാദ്ധ്യമങ്ങളോട് പറഞ്ഞു. അഭിനയം മോശമായ നടിക്ക് പിന്നെ എന്തിനാണ് പണം നല്കുന്നതെന്ന് ലാല് ചോദിച്ചു. സിനിമാ മേഖലയില് ഇത്രയും പ്രശ്നങ്ങള് നില്ക്കുന്ന സാഹചര്യത്തില് നനഞ്ഞിടം കുഴിക്കുന്ന രീതിയാണ് യുവനടി സ്വീകരിച്ചതെന്നും ലാല് കൂട്ടിച്ചേര്ത്തു.
പിന്നീട് പണം നല്കാമെന്ന് ആവശ്യപ്പെട്ടിരുന്നു. എന്നാല് പത്ത് ലക്ഷം രൂപ നഷ്ടപരിഹാരം ആവശ്യപ്പെടുകയായിരുന്നു. കൂടാതെ മാദ്ധ്യമങ്ങളിലൂടെ മാപ്പ് പറയണമെന്നും ആവശ്യപ്പെടുകയായിരുന്നു, ലാല് വ്യക്തമാക്കി. യുവനടിയുടെ പരാതിയില് പേടിച്ച് പിന്മാറില്ലെന്നും കേസിനെ നിയമപരമായി നേരിടുമെന്നും ലാല് വ്യക്തമാക്കി.
https://www.facebook.com/Malayalivartha