ഐമയ്ക്ക് കല്യാണം; വരന്‍ സിനിമാരംഗത്തുനിന്നു തന്നെ
ജേക്കബിന്റെ സ്വര്‍ഗ്ഗരാജ്യത്തിലൂടെ നിവിന്‍ പോളിയുടെ അനുജത്തിയായി വന്ന് മലയാളികളുടെ മനംകവര്‍ന്ന മാലാഖക്കുട്ടി ഐമ സെബാസ്റ്റ്യന്‍ വിവാഹിതയാകുന്നു. വരനും സിനിമാരംഗത്തുനിന്നു തന്നെ. മലയാളത്തിലെ പ്രമുഖ നിര്‍മാണ കമ്പനിയായ വീക്കെന്‍ഡ് ബ്ലോക്ബ്‌സ്‌റ്റേര്‍സിന്റെ ഉടമസ്ഥയായ സോഫിയ പോളിന്റെ മകന്‍ കെവിന്‍ പോളാണ് ഐമയുടെ വരനായി എത്തുന്നത്.
കാടു പൂക്കുന്ന നേരം, മുന്തിരി വള്ളികള്‍ തളിര്‍ക്കുമ്പോള്‍ എന്നീ ചിത്രങ്ങള്‍ സ്വതന്ത്രമായി നിര്‍മ്മിക്കുകയും ബാംഗ്ലൂര്‍ ഡെയ്‌സ് എന്ന ചിത്രത്തില്‍ അന്‍വര്‍ റഷീദിന്റെ നിര്‍മാണപങ്കാളിത്തം വഹിക്കുകയും ചെയ്ത കമ്പനിയാണ് വീക്കന്‍ഡ് ബ്ലോക്ബ്‌സ്‌റ്റേര്‍സ്. ഇരുവരുടേതും വീട്ടുകാര്‍ തമ്മില്‍ ഉറപ്പിച്ച വിവാഹമാണ്. ഡിസംബറില്‍ വിവാഹനിശ്ചയം നടക്കും. അടുത്തവര്‍ഷം ജനുവരിയിലാണ് വിവാഹം.
2013ല്‍ നിര്‍മിച്ച ദൂരം എന്ന സിനിമയിലൂടെയാണ് ഐമ അഭിനയരംഗത്തെത്തുന്നത്. മനു കണ്ണന്താനം സംവിധാനം ചെയ്ത ദൂരം എന്ന ചിത്രത്തില്‍ ഐമയുടെ ഇരട്ട സഹോദരി ഐനയും അഭിനയിച്ചിട്ടുണ്ട്. യു.എ.ഇ.യില്‍ ജനിച്ചുവളര്‍ന്ന ഐമ ദുബായ് മണിപ്പാല്‍ സര്‍വകലാശാലയിലെ എം.ബി.എ. വിദ്യാര്‍ഥിനിയാണ്. ഷാര്‍ജയിലാണ് താമസം.
ഐമ അഭിനയിച്ച മൂന്നാമത്തെ ചിത്രമാണ് ഈ വര്‍ഷം റിലീസ് ചെയ്ത മുന്തിരി വള്ളികള്‍ തളിര്‍ക്കുമ്പോള്‍. ജിബു ജേക്കബ് സംവിധാനം ചെയ്ത ചിത്രത്തില്‍ മോഹന്‍ലാല്‍ അവതരിപ്പിച്ച ഉലഹന്നാന്‍ എന്ന കഥാപാത്രത്തിന്റെ മകളെയാണ് ഐമ അവതരിപ്പിച്ചത്. സിനിമാനിര്‍മാണത്തിനും വിതരണത്തിനുമൊപ്പം ദുബായിയില്‍ ബിസിനസ്സുമുണ്ട് കെവിനും കുടുംബത്തിനും.
https://www.facebook.com/Malayalivartha
