മോഹന്‍ലാലിന്റെ സിനിമകളുടെ സാറ്റലൈറ്റ് അവകാശം സ്ഥിരം വാങ്ങുന്ന ചാനലിന് നല്‍കാതെ അമൃതാ ടി.വിക്ക് നല്‍കി. മാതാ അമൃതാനന്ദമയി പറഞ്ഞിട്ടാണ് അവകാശം നല്‍കിയെന്നാണ് താരവുമായി അടുത്ത വൃത്തങ്ങള്‍ പറയുന്നത്. റേറ്റിംഗ് കുറഞ്ഞ് നിന്ന ചാനലിനെ രക്ഷിക്കാനാണ് ഈ തീരുമാനം ഇവര്‍ പറയുന്നു. എന്നാല്‍ സംഭവം അങ്ങനെയല്ലെന്നാണ് മലയാളി വാര്‍ത്ത നടത്തിയ അന്വേഷണത്തില്‍ മനസിലായി. മോഹന്‍ലാലിന്റെ മോശം സിനിമകള്‍ പോലും പ്രമുഖ ചാനല്‍ പതിവായി വാങ്ങിയിരുന്നു. ദൃശ്യം സിനിമയ്ക്ക് മുമ്പ് നിരവധി മോഹന്‍ലാല്‍ സിനിമകള്‍ പരാജയമായിരുന്നു.

ആ സമയത്തും ദൃശ്യത്തിന് ശേഷം ഒപ്പത്തിന് മുമ്പ് വരെയുള്ള പല മോഹന്‍ലാല്‍ സിനിമകളും തിയേറ്ററില്‍ പരാജയമായിരുന്നു. ആ സിനിമകളെല്ലാം ഈ ചാനലിലെ എം.ഡി ഇടപെട്ട് നല്ല വിലയ്ക്ക് വാങ്ങിയിരുന്നു. എം.ഡിക്ക് വിദേശത്ത് ചാനലുണ്ട്. ആ ചാനലുമായി ബന്ധപ്പെട്ട പരിപാടിക്ക് മോഹന്‍ലാലിനെയും മറ്റ് താരങ്ങളെയും ക്ഷണിച്ചിരുന്നു. 

അവിടെ വച്ച് താരവുമായി എം.ഡി അഭിപ്രായ വ്യത്യാസമുണ്ടായി. ഇതോടെ അദ്ദേഹത്തിന്റെ ചാനലിന് സാറ്റലൈറ്റ് അവകാശം നല്‍കേണ്ടെന്ന് തീരുമാനിച്ചതെന്ന് അറിയുന്നു. ഇതിന്റെ ഭാഗമായാണ് അമൃതാ ടി.വിയില്‍ മോഹന്‍ലാലിന്റെ പ്രത്യേക ഷോയും നടത്താന്‍ തീരുമാനിച്ചതെന്നും അറിയുന്നു.