ഡ്യൂപ്പിനെ ഉപയോഗിക്കാന്‍ ആരുടെയും സമ്മതപത്രം ആവശ്യമില്ല:പ്രിയനന്ദന്‍
ഡ്യൂപ്പിനെ ഉപയോഗിക്കുന്നത് തങ്ങള്‍ക്ക് കഴിയില്ലെന്നുള്ള ഭാഗങ്ങള്‍ സിനിമയ്ക്ക് ആവശ്യമെങ്കില്‍ ചിത്രീകരിക്കുന്നത് സംവിധായകന്റെ സ്വാതന്ത്ര്യമാണെന്ന് പ്രിയനന്ദന്‍. അല്ലാതെ ആ വ്യക്തിയെ വ്യാജമായി ഉപയോഗിക്കുകയാണെന്ന് അര്‍ത്ഥമില്ലെന്നും അങ്ങനെ അര്‍ത്ഥമാക്കുന്നതാണ് അശ്ലീലമെന്നും പ്രിയനന്ദന്‍ പറയുന്നു. ഡ്യൂപ്പിനെ ഉപയോഗിക്കാന്‍ നടിയുടെയോ നടന്റേയൊ സമ്മതപത്രത്തിന്റെ ആവശ്യമില്ലെന്നും പ്രിയനന്ദന്‍ വ്യക്തമാക്കുന്നു.
നടനും സംവിധായകനുമായി ലാലിന്റെ മകന്‍ ജീന്‍ പോള്‍ ലാലിന്റെ ചിത്രം ഹണി ബീ 2 സിനിമയുടെ സെറ്റില്‍ വെച്ച് നടിയോട് ലൈംഗികച്ചുവയോടെ സംസാരിച്ചതിന് ജീന്‍ പോള്‍ ലാല്‍ ഉള്‍പ്പെടെയുള്ളവര്‍ക്കെതിരെ പൊലീസ് കേസെടുത്തിരുന്നു. തന്റെ അനുമതി കൂടാതെ ബോഡി ഡ്യൂപ്പിനെ ഉപയോഗിച്ചതായും നടി പരാതിപ്പെട്ടിരുന്നു. ഇതേ തുടര്‍ന്ന് ജീന്‍ പോള്‍ ലാലിന് ഐക്യദാര്‍ഡ്യം പ്രഖ്യാപിച്ച് സംവിധായകന്‍ പ്രിയനന്ദന്‍ എത്തുകയായിരുന്നു.
നടിയുടെ പരാതിയില്‍ സിനിമയുടെ സെന്‍സര്‍ കോപ്പി പരിശോധിക്കാന്‍ പൊലീസ് നേരത്തെ തന്നെ തീരുമാനിച്ചിരുന്നു. തന്റെ അനുമതിയില്ലാതെ ഡ്യൂപ്പിനെ ഉപയോഗിച്ചെന്ന് നടി പറയുന്ന സീന്‍ ഉള്‍പ്പെടെയുള്ള വിവരങ്ങള്‍ ചൂണ്ടിക്കാട്ടിയാണ് നടി പരാതി നല്‍കിയത്.
https://www.facebook.com/Malayalivartha
