താരജാഡകളില്ല, കുടപിടിയ്ക്കേണ്ട;നിലത്ത് ഷോട്ടിനായി കാത്തിരിക്കുന്ന വിജയ് സേതുപതി
എ.സി കാരവനും അല്പം വെയില് വന്നാല് കുട പിടിക്കാന് പരിചാരകരുമില്ലാതെ താരരാജാക്കന്മാരും താരറാണികളും സിനിമ സെറ്റില് തുടരുമോയെന്നുള്ള കാര്യത്തില് സംശയമാണ്. എന്നാല് ഇതിനെല്ലാം അപവാദമായാണ് തമിഴകത്തിന്റെ പുതിയ സൂപ്പര് താരം വിജയ് സേതുപതി.
വിജയ് സേതുപതിയും, മാധവനും പ്രധാന കഥാപാത്രങ്ങളായി എത്തുന്ന വിക്രം വേദ തിയേറ്ററുകളില് മികച്ച പ്രതികരണം സ്വന്തമാക്കുമ്പോള് തന്നെ വിജയ് തിരക്കിലാണ്. 96 എന്ന ചിത്രത്തിന്റെ ഷൂട്ടിംഗ് തിരക്കിലാണ് താരമിപ്പോള്.
താരജാഡകളൊന്നുമില്ലാതെ ചിത്രത്തിന്റെ സെറ്റില് ഷൂട്ടിംഗ് ഇടവേളയില് വെറും തറയിലിരിക്കുന്ന സേതുപതിയുടെ ചിത്രമാണ് ഇപ്പോള് സോഷ്യല് മീഡിയയില് വൈറല്.
ഒരു ചിത്രം വിജയിക്കുമ്പോഴേക്കും ആസാധാരണക്കാരായി മാറുന്നവര്ക്കിടയില് വിജയ് സേതുപതി വേറിട്ട് നില്ക്കുന്നു. സാധാരണക്കാരില് സാധാരണക്കാരനായി തെന്നിന്ത്യയുടെ 'നല്ല നടന്' ആരാധകരോടൊപ്പം സമയം ചെലവിടുന്ന വീഡിയോയും പുറത്തെത്തിയിട്ടുണ്ട്. അത്രയ്ക്ക് സിംപിളാണ് വിജയ്.
മൂന്ന് കാലഘട്ടങ്ങളിലൂടെ കടന്നുപോകുന്ന കഥാപാത്രത്തെയാണ് വിജയ് 96 ല് അവതിരിപ്പിക്കുന്നതെന്നാണ് റിപ്പോര്ട്ട്. 96 വയസ്സുകാരനായും താരമെത്തും. തൃഷയാണ് നായിക.
https://www.facebook.com/Malayalivartha
