ആദ്യം സിനിമയില്‍ എത്തിയപ്പോള്‍ ഞാന്‍ അഭിനയിക്കുന്ന സീനുകള്‍ അമ്മ കാണാന്‍ കൂട്ടാക്കിയിരുന്നില്ല. എന്നാല്‍ കുറച്ചുനാള്‍ കഴിഞ്ഞപ്പോള്‍ അതൊക്കെ മാറി. പിന്നെ അമ്മ തന്നെ പറഞ്ഞു, 'അവളെ നോക്കാന്‍ അവള്‍ക്കറിയാം.' എന്ന്.നീണ്ട ഇടവേളയ്ക്ക് ശേഷമാണ് ടിയാന്‍ എന്ന ചിത്രത്തിലൂടെ പത്മപ്രിയ മലയാള സിനിമയിലേക്ക് എത്തുന്നത്. നടി ആക്രമിക്കപ്പെട്ട സംഭവും ദിലീപിന്റെ അറസ്റ്റും ഞെട്ടിച്ചെന്ന് പത്മപ്രിയ പറയുന്നു. മലയാള സിനിമയിലെ കാസ്റ്റിങ് കൗച്ചിനെക്കുറിച്ചും പത്മപ്രിയ വെളിപ്പെടുത്തി.

പത്മപ്രിയ പറയുന്നത്....

ഞങ്ങളൊക്കെ ചുറ്റുമുള്ളവരെ വിശ്വസിച്ചാണ് ഒരു മാസമൊക്കെ വേറെ സ്ഥലത്തുപോയി താമസിക്കുന്നത്. മിക്കവാറും ഒറ്റയ്ക്ക്. ഞാന്‍ കാഴ്ചയില്‍ അഭിനയിക്കുമ്പോള്‍ അമ്മ ഒരിക്കല്‍ സെറ്റില്‍ വന്നു. മമ്മൂക്കയോടൊത്തുള്ള ഒരു സീനാണ്. ഒന്നുമില്ല, ഒരു കട്ടിലില്‍ ഞാന്‍ അങ്ങോട്ടും മമ്മൂക്ക ഇങ്ങോട്ടും തിരിഞ്ഞിരിക്കുന്നു. അത് കണ്ടിട്ട് തന്നെ അമ്മ പറഞ്ഞു.' എനിക്ക് കാണാന്‍ വയ്യ.' അമ്മ മാറി നിന്നു. രണ്ടുമൂന്ന് സിനിമ കഴിഞ്ഞപ്പോള്‍ അമ്മ തന്നെ പറഞ്ഞു, 'അവളെ നോക്കാന്‍ അവള്‍ക്കറിയാം.' കുറ്റമാരോപിക്കപ്പെട്ട നടന്റെ കാര്യമോ? അതൊരു സ്‌റ്റോറിയാണോ എന്നാര്‍ക്കറിയാം. എന്തായാലും ഈ സംഭവം കൊണ്ട് ഒരു കാര്യമുണ്ടായി. പല കാര്യങ്ങളും പുറത്ത് വന്നു.

തിരക്കഥ ചോദിച്ചാല്‍ നമ്മുടെ ഭാഗം മാത്രമേ പറഞ്ഞു തരൂ. അതും ശരിയായ കഥയാണോ ഉറപ്പില്ല. ഇതൊക്കത്തന്നെയല്ലേ കാസ്റ്റിങ് കൗച്ച്? കാസ്റ്റിങ് കൗച്ച് ഉണ്ടെന്നുള്ളത് സത്യമാണ്. കിടക്ക പങ്കിടാന്‍ തയ്യാറല്ല, മാത്രമല്ല സ്‌ക്രിപ്റ്റും ചോദിക്കുന്നു. പിന്നെ നിങ്ങള്‍ ആ സിനിമയിലില്ല.

മോശം നടിമാര്‍ കിടക്ക പങ്കിട്ടിട്ടുണ്ടാകാം എന്ന് പറയുന്നു. അപ്പോള്‍ നടിമാരുടെ കൂടെ കിടന്നവരെ കുറിച്ച് എന്തുപറയണം? പുതിയ നടിമാര്‍ക്ക് മാത്രമാണ് പ്രശ്‌നമെന്ന് കരുതരുത്. പേരും പ്രശസ്തിയും ആയിക്കഴിഞ്ഞവര്‍ക്കാണ് കൂടുതല്‍ പ്രഷര്‍. കാരണം അവര്‍ക്ക് ഇനിയും സിനിമയില്‍ നിന്നേ പറ്റൂ. ഒരു കാര്യം ചോദിക്കട്ടെ അങ്ങനെ കിടക്ക പങ്കിടുന്നവര്‍ക്ക് എന്തെങ്കിലും ഉറപ്പുണ്ടോ അതുകൊണ്ട് വിജയിക്കുമെന്ന്? സിനിമയില്‍ എല്ലാകാലത്തും ഇതുനടക്കുമെന്ന് പുരുഷന്മാര്‍ കരുതരുത്. പുതിയ ജനറേഷന്‍ അതിന് നിന്ന് കൊടുക്കാന്‍ പോകുന്നില്ല.