പ്രേമിക്കുന്നെങ്കില്‍ കുഞ്ഞാക്കോ ബോബനെത്തന്നെ പ്രേമിക്കണമെന്നാണ് ബഹുഭൂരിപക്ഷം പെണ്‍കുട്ടികളുടേയും താത്പര്യം. തൊണ്ണൂറുകളിലെ റൊമാന്റിക് ഹീറോ കുഞ്ചാക്കോ ബോബനായിരുന്നു അവരുടെ എല്ലാമെല്ലാം. നിറം, അനിയത്തിപ്രാവ് തുടങ്ങിയ ചിത്രങ്ങളിലൂടെ ആരാധികമാരുടെ മനസ്സിലിടം നേടിയ ചാക്കോച്ചന്‍ ഇന്നും യുവത്വത്തിന്റെ പ്രതീകമാണ്. 

ചാക്കോച്ചന്റെ വീട്ടുകാര്‍ക്ക് ഒരാഗ്രഹമുണ്ടായിരുന്നു. റിമി ടോമിയെക്കൊണ്ട് തന്നെ കെട്ടിക്കാന്‍. ചാക്കോച്ചന്റെ അപ്പച്ചനായിരുന്നു ആ ആഗ്രഹത്തിന് ചുക്കാന്‍ പിടിച്ചത്. അടുത്തിടെ നടന്ന ഏഷ്യാനെറ്റിന്റെ താരനിശയ്ക്കിടെയാണ് ചാക്കോച്ചന്‍ റിമിക്കു മുന്നില്‍ ഇക്കാര്യം തുറന്നു പറഞ്ഞത്. 

താന്‍ കോളേജ് കാലഘട്ടം മുതല്‍ ചാക്കോച്ചന്റെ കടുത്ത ആരാധികയായിരുന്നുവെന്നും, അപ്പച്ചന് അങ്ങനെയൊരു ആഗ്രഹമുണ്ടായിരുന്നുവെങ്കില്‍ ഒന്നു പാലാ വരെ വന്നൂടായിരുന്നോ..? എന്നുമാണ് റിമി പ്രതികരിച്ചത്.

ചാക്കോച്ചനോടുള്ള ആരാധന തുറന്നു പറഞ്ഞ റിമി തന്നോടു ചേര്‍ന്ന് നിന്ന് ഒരു ഡ്യൂയറ്റ് അവതരിപ്പിക്കാന്‍ താരത്തെ നിര്‍ബന്ധിക്കുകയും ചെയ്തു. തമാശ രൂപേണയാണെങ്കിലും താരസമ്പന്നമായ വേദിയെ ഇരുവരും ചേര്‍ന്ന് പൊട്ടിച്ചിരിപ്പിച്ചു. എന്തായാലും ഇവരുടെ പ്രണയം അങ്ങനെ നാട്ടുകാരറിഞ്ഞു. 

മലയാളചലച്ചിത്ര രംഗത്ത് ഒന്നര പതിറ്റാണ്ടുകളായി സജീവമായി നില്കുന്ന നടനാണ് കുഞ്ചാക്കോ ബോബന്‍ 1976 നവംബര്‍ 2നാണ് ജനനം. കുട്ടനാട്ടിലെ പുളിങ്കുന്നില്‍ നിന്ന് ആലപ്പുഴയിലേക്ക് കുടിയേറി ഉദയാ സ്റ്റുഡിയോ സ്ഥാപിച്ച്, ഒരു കാലത്ത് മലയാള സിനിമയില്‍ നിറഞ്ഞു നിന്ന മാളിയംപുരക്കല്‍ കുഞ്ചാക്കോയുടെ ചെറുമകനാണ് കുഞ്ചാക്കോ ബോബന്‍. നടനും സംവിധായകനും നിര്‍മ്മാതാവും വിതരണക്കാരനുമൊക്കെയായി സിനിമയില്‍ സജീവ സാന്നിധ്യമറിയിച്ച ബോബന്‍ കുഞ്ചാക്കോയുടെ മകന്‍. 2005 ഏപ്രില്‍ 2ന് പ്രിയ ആന്‍ സാമുവേലിനെ വിവാഹം ചെയ്തു.

1997ല്‍ പുറത്തിറങ്ങിയ അനിയത്തിപ്രാവ് എന്ന ചിത്രത്തിലൂടെ നായകനായി അരങ്ങേറിയ ഇദ്ദേഹം അന്‍പതില്‍പരം മലയാളചലച്ചിത്രങ്ങളില്‍ അഭിനയിച്ചിട്ടുണ്ട്.

1981ല്‍ പിതാവായ ബോബന്‍ കുഞ്ചാക്കോ നിര്‍മ്മിച്ച് ഫാസില്‍ സംവിധാനം ചെയ്ത ധന്യ എന്ന ചിത്രത്തില്‍ ബാലതാരമായി അഭിനയിച്ചു. ഫാസില്‍ തന്നെ സംവിധാനം ചെയ്ത് 1997ല്‍ പുറത്തിറങ്ങിയ അനിയത്തിപ്രാവ് ആയിരുന്നു നായകനായി അഭിനയിച്ച ആദ്യ ചിത്രം. ബാലതാരമായി മലയാള സിനിമകളില്‍ അഭിനയിച്ചിരുന്ന ശാലിനി നായികയായി അരങ്ങേറ്റം കുറിച്ച ചിത്രം കൂടിയായിരുന്നു അത്. ആ ചിത്രത്തിലെ സുധി എന്ന കഥാപാത്രത്തെയാണ് കുഞ്ചാക്കോ ബോബന്‍ അവതരിപ്പിച്ചത്.

രണ്ടാമത്തെ ചിത്രമായ നക്ഷത്രതാരാട്ട് കാര്യമായ വിജയം നേടിയില്ലെങ്കിലും കുഞ്ചാക്കോയുടെ താരമൂല്യം കുറഞ്ഞില്ല. കമല്‍ സംവിധാനം ചെയ്ത നിറം വാണിജ്യവിജയം കൈവരിച്ചു. പിന്നീട് പുറത്തിറങ്ങിയ അദ്ദേഹത്തിന്റെ പല ചിത്രങ്ങളും കാര്യമായ നേട്ടം കൊയ്തില്ല. ദോസ്ത്, നരേന്ദ്രന്‍ മകന്‍ ജയകാന്തന്‍ വക, കസ്തൂരിമാന്‍, സ്വപ്നക്കൂട് എന്നിവയായിരുന്നു ഈ കാലഘട്ടത്തിലെ കുഞ്ചാക്കോ ബോബന്റെ വിജയചിത്രങ്ങള്‍. 2004ല്‍ പുറത്തിറങ്ങിയ ഈ സ്‌നേഹതീരത്ത് എന്ന ചിത്രത്തിലെ ഉണ്ണി എന്ന കഥാപാത്രം കുഞ്ചാക്കോ ബോബന് ആ വര്‍ഷത്തെ സംസ്ഥാന ചലച്ചിത്ര അവാര്‍ഡുകളില്‍ പ്രത്യേക ജൂറി പുരസ്‌കാരം നേടിക്കൊടുത്തു.

2005ല്‍ വിവാഹിതനായ അദ്ദേഹം റിയല്‍ എസ്‌റ്റേറ്റ് രംഗത്ത് ശ്രദ്ധ കേന്ദ്രീകരിച്ചു. 2006ല്‍ കിലുക്കം കിലു കിലുക്കം എന്ന ചിത്രത്തില്‍ മാത്രം അഭിനയിച്ച അദ്ദേഹം 2007ല്‍ ചലച്ചിത്രരംഗത്ത് നിന്ന് പൂര്‍ണ്ണമായി വിട്ടുനിന്നു. 2008ല്‍ ലോലിപോപ്പ് എന്ന ഷാഫി ചിത്രത്തിലൂടെ അഭിനയരംഗത്തേക്ക് തിരിച്ചുവന്ന അദ്ദേഹം 2010ഓടെ ചലച്ചിത്രരംഗത്ത് വീണ്ടും സജീവമായി. 2010ല്‍ ലാല്‍ ജോസ് സംവിധാനം ചെയ്ത് പുറത്തിറങ്ങിയ എല്‍സമ്മ എന്ന ആണ്‍കുട്ടി എന്ന ചിത്രത്തിലെ പാലുണ്ണി എന്ന കഥാപാത്രം വളരെയധികം പ്രേക്ഷക പ്രശംസ നേടി.

 2011 ഇനു ശേഷം കുഞ്ചാക്കോ ബോബനെ സംബന്ധിച്ച് മികച്ച കാലഘട്ടമാണ്. അദ്ദേഹം പ്രധാനവേഷങ്ങള്‍ അവതരിപ്പിച്ച ട്രാഫിക്, സീനിയേഴ്‌സ്, ത്രീ കിംഗ്‌സ്, സെവന്‍സ്, ഡോക്ടര്‍ ലൗ എന്നീ ചിത്രങ്ങള്‍ സാമ്പത്തിക വിജയം നേടി. 2012ല്‍ പുറത്തിറങ്ങിയ ഓര്‍ഡിനറി, മല്ലൂസിംഗ് എന്നീ ചിത്രങ്ങളും മികച്ച വിജയം നേടി.2013 ഇല പുറത്തിറങ്ങിയ റോമന്‍സ് എന്ന ചലച്ചിത്രം വന്‍ പ്രേക്ഷക ശ്രദ്ധ പിടിച്ചു പറ്റിയിരുന്നു.

മലയാളത്തിലെ ഒരു യുവ ഗായികയാണ് റിമി ടോമി. ലാല്‍ ജോസ് സംവിധാനം ചെയ്ത മീശമാധവന്‍ എന്ന ചിത്രത്തിലൂടെയാണ് റിമി ടോമി ചലച്ചിത്ര പിന്നണിഗാന രംഗത്തേക്ക് കടന്നുവന്നത്. ആദ്യത്തെ പിന്നണിഗാനം ചിങ്ങമാസം വന്നുചേര്‍ന്നാല്‍ എന്നു തുടങ്ങുന്ന ഗാനമായിരുന്നു. നിരൂപക പ്രശംസയും അനുമോദനങ്ങളും പിടിച്ചുപറ്റിയ ആദ്യ ഗാനത്തിനുശേഷം റിമി ടോമി ടി.വി. ചാനലുകളില്‍ അവതാരകയായും ശ്രദ്ധേയയായി. സൈനികനായിരുന്ന ടോമി ആണ് പിതാവ്. മാതാവ് റാണി. കോട്ടയം ജില്ലയിലെ പാലായാണ് സ്വദേശം. റോയിസ് ആണ് ആണ് ഭര്‍ത്താവ്.

അടുത്തിടെ നടിയെ ആക്രമിച്ച കേസിലും വരവില്‍ കവിഞ്ഞ് സ്വത്ത് സമ്പാദിച്ച കേസിലും റിമിയെപ്പറ്റി ധാരാളം വാര്‍ത്തകള്‍ പ്രചരിച്ചിരുന്നു. പക്ഷെ അപ്പോഴും റിമി ടിവിയില്‍ നിറഞ്ഞുനിന്നു. അത്രയ്ക്ക് മലയാളിക്കിഷ്ടമാണ് ഈ വായാടിപ്പെണ്ണിനെ.