എന്ത് ആഘോഷം നടന്നാലും ഇപ്പോള്‍ താരങ്ങളെ പങ്കെടുപ്പിക്കുന്നത് പതിവാണ്. ഇതില്‍ പങ്കെടുക്കുന്നതിന് അവര്‍ക്ക് പ്രതിഫലവും നല്‍കും. ബോളിവുഡിലെ താരങ്ങളെ ഒരു പരിപാടിയില്‍ പങ്കെടുപ്പിക്കണമെങ്കില്‍ കോടികള്‍ മുടക്കണമെന്നാണ് പറയുന്നത്. എന്നാല്‍ ഇവര്‍ പരിപാടിയില്‍ പങ്കെടുക്കാന്‍ അനുവാദം നല്‍കണമെങ്കില്‍ പങ്കെടുക്കുന്ന പാര്‍ട്ടിയുടെ നിലവാരവും വരുന്നവരുടെ നിലവാരവും നോക്കും.

ബോളിവുഡിലെ കിംഗ് ഖാന്‍ ഷാരൂഖ് ഖാന്‍ ഒരു ആഘോഷത്തില്‍ പങ്കെടുക്കണമെങ്കില്‍ കൊടുക്കേണ്ട പ്രതിഫലം 3 കോടിരൂപയാണ്. ഷാരൂഖ് കഴിഞ്ഞാല്‍ മറ്റൊരു ഖാനായ സല്‍മാന്‍ വാങ്ങുന്നത് 2 കോടിരൂപയാണ്.മറ്റെന്തെങ്കിലും പ്രകടനങ്ങള്‍ കൂടി വേണമെങ്കില്‍ പ്രതിഫലം ഉയരും. നടന്‍ അക്ഷയ് കുമാറിന്റെ കഥയും വ്യത്യസ്തമല്ല .

ആഘോഷം ഏതായാലും താരത്തിന്റെ പ്രതിഫലം 2 .5 കോടിയാണ്. ബോളിവുഡ് നടന്മാരെക്കാള്‍ ഒട്ടും മോശമല്ല എന്ന് തെളിയിക്കുന്നതാണ് നടിമാരായ ദീപികയുടെയും പ്രിയങ്കയുടെയും പ്രതിഫലം.പ്രിയങ്ക വാങ്ങുന്നത് ഒരു കോടിയാണ്. സമാന തുകയാണ് ദീപികയും വാങ്ങുന്നത് എങ്കിലും പാര്‍ട്ടിയുടെ നിലവാരം ദീപികയ്ക്ക് കൂടുതല്‍ പ്രാധാന്യമുള്ള വിഷയമാണ്.