തെന്നിന്ത്യയിൽ ഏറ്റവും തിരക്കുള്ള നടിമാരിൽ ഒരാളാണ് നിത്യാമേനോൻ. കഥാപാത്രങ്ങൾക്കായി എന്തും ചെയ്യാൻ താരം തയാറുള്ള നായിക. സംവിധായകന്റെ കാഴ്ചപ്പാടുള്ള ആർട്ടിസ്റ്റാണ് നിത്യ. ആകാശഗോപുരം എന്ന ചിത്രത്തിലുടെ വെള്ളിത്തിരയില്‍ എത്തിയ നിത്യ വളരെ ചുരുങ്ങിയ കാലയളവ് കൊണ്ട് തന്നെ മലയാളികളുടെ പ്രിയങ്കരിയാകുകയായിരുന്നു.

ഉറുമി,വയലിന്‍, തല്‍സമയം ഒരു പെണ്‍കുട്ടി,100ഡേയ്സ് ഒാഫ് ലൗ, ഒാകെ കണ്‍മണി എന്നിങ്ങനെ നിരവധി ചിത്രങ്ങളില്‍ താരം അഭിനയിച്ചു. മലയാളത്തിനു പുറമെ തമിഴ്, തെലുങ്ക്, കന്നട ഭാഷകളിലും നിത്യ തന്റെ അഭിനയമികവ് കാണിക്കുന്നുണ്ട്.

വിജയ് ചിത്രമായ മെർസലിന്‍റെ ചിത്രീകരണത്തിനിടെ നിത്യ വെറുതെ ഒരു സെൽഫി എടുത്തതാണ്. ആ സെൽഫി ഇപ്പോൾ സമൂഹമാധ്യങ്ങളിൽ വൈറലാണ്. ഒരു ആശുപത്രി രംഗം ചിത്രീകരിക്കുന്ന സമയത്താണ് സെൽഫി എടുത്തത്. ലേബര്‍ റൂമില്‍ നിത്യ കുഞ്ഞിനൊപ്പം സെല്‍ഫിയെടുക്കുന്ന ചിത്രം അണിയറ പ്രവര്‍ത്തകരില്‍ ഒരാൾ പകര്‍ത്തുകയായിരുന്നു. ചിത്രം സോഷ്യൽ മീഡിയയിൽ തരംഗമായിരിക്കുകയാണ്. ചിത്രത്തില്‍ വളരെ പ്രധാനപ്പെട്ട ഒരു കഥാപാത്രമാണ് നിത്യ ചെയ്തത്.

വിജയ് മൂന്ന് വ്യത്യസ്ത കഥാപാത്രങ്ങളില്‍ എത്തുന്ന സിനിമയില്‍ വിജയുടെ ദളപതി എന്ന അച്ഛന്‍ കഥാപാത്രത്തിന്റെ ഭാര്യ ഐശ്വര്യയായി വേഷത്തിലാണ് നിത്യ എത്തിയത്. ചിത്രത്തിലെ ലേബര്‍ റൂം രംഗങ്ങള്‍ യൂട്യൂബില്‍ പ്രചരിക്കുന്നതിനിടയ്ക്കാണ് നിത്യയുടെ സെല്‍ഫിയും എത്തിയിരിക്കുന്നത്. മൂന്ന് നായികമാരുള്ള മെര്‍സലില്‍ ആദ്യം പ്രധാന നായിക സ്ഥാനത്തേക്ക് പരിഗണിച്ചിരുന്നത് ജ്യോതികയെയായിരുന്നു.

തെന്നിന്ത്യയിലെ സൂപ്പര്‍ നായികമാരായ സമന്തക്കും കാജള്‍ അഗര്‍വാളിനും പിന്നില്‍ ‘ഒതുങ്ങി’ പോകുമോയെന്ന ഭയത്തില്‍ ജ്യോതിക ആ കഥാപാത്രം വേണ്ടെന്ന് വെച്ചു. ആ വേഷത്തിലാണ് പിന്നീട് നിത്യ എത്തിയത്. നായകന്‍ ദളപതിക്കും വില്ലന്‍ എസ്.ജെ. സൂര്യക്കുമൊപ്പം ഏറെ പ്രശംസ ലഭിക്കുന്നത് നിത്യ മേനോനാണ്. തന്റെ അഭിനയ ജീവിതത്തിലെ ഏറ്റവും ശക്തമായ കഥാപാത്രത്തെയാണ് നിത്യ മെര്‍സലില്‍ അവതരിപ്പിച്ചത്.