സിനിമാമേഖലയിൽ ഏറ്റവും കൂടുതൽ പ്രതിഫലം വാങ്ങുന്നത് നടന്മാരാണെന്നുള്ള കാര്യം എല്ലാവർക്കുമറിയാവുന്നതാണ്. നടനായിരുന്നാലും നടിയായിരുന്നാലും അഭിനയിക്കുകയാണ് ചെയ്യുന്നത്. ഒരേ തൊഴിൽ ചെയ്തിട്ടും പ്രതിഫലം നൽകുന്നതിലുള്ള വേർതിരിവ് പല നടിമാരും തുറന്നു പറഞ്ഞിട്ടുണ്ട്. ഇക്കാര്യം തുറന്നു പറഞ്ഞിട്ടും നിർമാതാക്കൾ ഇപ്പോഴും നടന്മാർക്കാണ് പ്രതിഫലം കൂടുതൽ നൽകുന്നത്.

ഏറ്റവും ഒടുവിലായി ഇക്കാര്യം തുറന്നുപറഞ്ഞുകൊണ്ട് രംഗത്തെത്തിയിരിക്കുകയാണ് നടി രാ​കുൽ പ്രീ​ത് സിംഗ്. രാ​കുലിന്റെ പു​തിയ ചി​ത്ര​മായ കാ​ക്കി​യു​ടെ പ്ര​മോ​ഷൻ സമയത്താണ് നടി വി​വാദ പ​രാ​മർ​ശവുമായി എത്തിയത്.

ഒ​റ്റ​യ്ക്ക് ഒ​രു സി​നിമ വി​ജ​യി​പ്പി​ച്ചു കാ​ണി​ച്ചാൽ പോ​ലും നാ​യി​ക​മാർ​ക്ക് അർ​ഹ​മായ പ്ര​തി​ഫ​ലം നൽ​കു​ന്നി​ല്ലെ​ന്ന് രാ​കുൽ പ​റ​യു​ന്നു. അ​തി​നു​ദാ​ഹ​ര​ണ​മാ​യി താ​രം ചൂ​ണ്ടി​ക്കാ​ട്ടി​യ​ത് ന​യൻ​താ​ര​യെ ആ​ണ്. നാ​യ​ക​ന്മാ​രി​ല്ലാ​ത്ത നി​ര​വ​ധി സി​നി​മ​കൾ ന​യൻ​താര ഒ​റ്റ​യ്ക്ക് വി​ജ​യി​പ്പി​ച്ചി​ട്ടു​ണ്ട്. എ​ന്നി​ട്ടും ഇ​പ്പോ​ഴും അ​വർ​ക്ക് നൽ​കു​ന്ന പ്ര​തി​ഫ​ലം മൂ​ന്നു കോ​ടി രൂ​പ​യാ​ണ്.

നാ​യ​ക​ന​ട​ന്മാർ പ​തി​ന​ഞ്ചും ഇ​രു​പ​തും കോ​ടി വാ​ങ്ങു​മ്പോ​ഴാ​ണ് ന​യൻ​താ​ര​യെ​പ്പോ​ലൊ​രു സീ​നി​യർ താ​രം ഇ​പ്പോ​ഴും മൂ​ന്നു കോ​ടി മാ​ത്രം പ്ര​തി​ഫ​ല​ത്തിൽ നിൽ​ക്കു​ന്ന​ത്. അ​തിൽ മാ​റ്റം വ​രു​ത്താൻ വേ​ണ്ട​പ്പെ​ട്ട​വർ ത​യാ​റാ​കു​ന്നി​ല്ലെ​ന്നും രാ​കുൽ പ്രീ​ത് സിം​ഗ് പ​റ​യു​ന്നു. കാർ​ത്തി നാ​യ​ക​നായ ധീ​രൻ അ​ധി​കാ​രം ഒൻ​ട്ര് എ​ന്ന സി​നി​മ​യിൽ രാ​കു​ലാ​ണ് നാ​യി​ക. താ​ര​ത്തി​ന്റെ പ്ര​ക​ട​നം ക​ണ്ട് ജൂ​നി​യർ ന​യൻ​താ​ര​യെ​ന്നാ​ണ് ആ​രാ​ധ​കർ വി​ളി​ക്കു​ന്ന​ത്. ത​ന്നെ അ​ത്ര​യും സീ​നി​യ​റായ താ​ര​ത്തോ​ട് ഉ​പ​മി​ക്ക​രു​തെ​ന്നും അ​വ​രെ​പ്പോ​ലു​ള്ള ന​ടി​മാ​രെ മാർ​ഗ​ദർ​ശി​യാ​ക്കാ​നാ​ണ് ഞ​ങ്ങ​ളൊ​ക്കെ ശ്ര​മി​ക്കു​ന്ന​തെ​ന്നും രാ​കുൽ പ​റ​യു​ന്നു.

നീ​ര​ജ് പാ​ണ്ഡേ​യു​ടെ അ​യ്യാ​രി എ​ന്ന ചി​ത്ര​ത്തി​ലൂ​ടെ വീ​ണ്ടും ബോ​ളി​വു​ഡിൽ അ​ര​ങ്ങേ​റ്റം ന​ട​ത്തു​ക​യാ​ണ് രാ​കുൽ. സി​ദ്ധാർ​ത്ഥ് മൽ​ഹോ​ത്ര​യും മ​നോ​ജ് വാ​ജ്പേ​യി​യും കേ​ന്ദ്ര​ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കു​ന്ന അ​യ്യാ​രി അ​ടു​ത്ത ജ​നു​വ​രി 26​ന് തി​യേ​റ്റ​റു​ക​ളി​ലെ​ത്തും.