നവീൻ- ഭാവന വിവാഹം ജനുവരിയില്
നടി ഭാവനയുടെ വിവാഹം അടുത്ത വർഷം ജനുവരിയിലെന്ന് സൂചന. ചലച്ചിത്ര രംഗത്തെ അടുപ്പക്കാരിൽ ചിലരുമായി താരം ഇത്തരത്തിലൊരു വിവരം പങ്കിട്ടതായിട്ടാണ് ലഭ്യമായ വിവരം. എന്നാൽ ഇത് സംമ്പന്ധിച്ച് താരമോ കുടുംബക്കാരോ ഇതുവരൈ മാധ്യമങ്ങളോട് നേരിൽ പ്രതികരിച്ചിട്ടില്ല. ഇക്കഴിഞ്ഞ മാർച്ചിലാണ് ഭാവനയും കന്നട നിർമ്മാതാവും ബിസ്സിനസ്സുകാരനുമായ നവീനും തമ്മിലുള്ള വിവാഹ നിശ്ചയം കഴിഞ്ഞത്. ഇരുവരും തമ്മിൽ നാല് വർഷം നീണ്ട പ്രണയത്തിന് ശേഷമായിരുന്നു വിവാഹ നിശ്ചയം.
തൃശൂരിലെ വീട്ടിൽ തികച്ചും സ്വകാര്യമായിട്ടായിരുന്നു വിവാഹ നിശ്ചയം നടന്നത്. ഇരുവരുടേയും വീട്ടുകാരും ചലച്ചിത്രമേഖലിലെ അടുത്ത സുഹൃത്തുക്കളും മാത്രം ചടങ്ങിൽ പങ്കെടുത്തത്. തുടർന്ന് മാധ്യമങ്ങളുമായി സംസാരിക്കവേ വിവാഹം ഈ വർഷം തന്നെ ഉണ്ടാവുമന്ന് താരം സൂചിപ്പിക്കുകയും ചെയ്തു.
‘നവിനുമായി എനിക്ക് അഞ്ച് വർഷത്തെ പരിചയമുണ്ട്.എന്റെ ആദ്യ കന്നട ചിത്രമായ റോമിയോ നിർമ്മിച്ചത് അദ്ദേഹമാണ്.ആ പരിചയത്തിൽ നിന്നാണ് ഈ ബന്ധം ഉണ്ടാവുന്നത്.’വിവാഹ നിശ്ചയം സംമ്പന്ധിച്ച് വിവരങ്ങൾ വെളിപ്പെടുത്തവേ ഭാവന മാധ്യമങ്ങളുമായി പങ്കുവച്ച വിവരം ഇതായിരുന്നു.
നിശ്ചയത്തിന് പിന്നാലെ ഈ വർഷം ഒക്ടോബറിൽ ഭാവനയുടേയും നവീന്റെയും വിവാഹമുണ്ടാകും എന്ന് വാർത്തകൾ പരന്നു.എന്നാൽ നിശ്ചയം കഴിഞ്ഞ് 9 മാസമായിട്ടും ഇരുവീട്ടുകാരും വിവാഹത്തീയ്യതി പുറത്ത് വിട്ടിട്ടില്ല. ചില സിനിമകളുടെ തിരക്കിലാണ് ഭാവനയെന്നും അതിനാൽ വിവാഹം നീട്ടിവെയ്ക്കുകയാണ് എന്നും മറ്റുമുള്ള പ്രചാരണങ്ങളും അടുത്തകാലത്ത് സജീവമായിരുന്നു.
https://www.facebook.com/Malayalivartha