നീ എന്തിനാടാ ചക്കരേ എന്ന ഡയലോഗ് ഇപ്പോള്‍ കേരളത്തില്‍ ഹിറ്റാണ്. അത് പറഞ്ഞ പെണ്‍കുട്ടിയും. എന്റെ ഹൃദയത്തിന്റെ വടക്ക് കിഴക്കേ അറ്റത്ത് എന്ന ഹ്രസ്വ ചിത്രത്തിലാണ് ഇപ്പോള്‍ ട്രോളന്മാര്‍ ആഘോഷിക്കുന്ന ഈ ഡയലോഗ് പറയുന്നത്.

ഹ്രസ്വ ചിത്രത്തിലെ നായിക എന്നതിനപ്പുറം പള്ളീലച്ചനെ പ്രണയിച്ച ആ പെണ്‍കുട്ടിയെ കുറിച്ച് അധികമാര്‍ക്കും ഒന്നും അറിയില്ല. അനീഷ് ഉമ്മര്‍ എന്ന പെണ്‍കുട്ടിയാണ് ചക്കരേ എന്ന വാക്കിന് ഇത്രയേറെ പ്രചരണം നല്‍കിയിരിയ്ക്കുന്നത്. നടിയെ കുറിച്ച് കൂടുതലറിയാം. പ്രണയം നിരസിക്കേണ്ടി വരുന്ന അച്ഛന്‍ പട്ടത്തിന് പഠിക്കുന്ന സഹപാഠിയോട് മധുരമായ പ്രതികാരത്തിലൂടെയാണ് ദേഷ്യം തീര്‍ക്കുന്ന യുവതിയുടെ കഥയാണ് എന്റെ ഹൃദയത്തിന്റെ വടക്കു കിഴക്കേ അറ്റത്ത് എന്ന ഹ്രസ്വചിത്രം പറയുന്നത്.

അനീഷാ ഉമ്മര്‍ ആണ് നായികാകഥാപാത്രത്തെ അവതരിപ്പിച്ചത്. ബിബിന്‍ മത്തായി വൈദികനായി എത്തുന്നു. അനിലിനെ അവതരിപ്പിച്ചത് വിഷ്ണു വിദ്യാധരന്‍. എഴുത്തുകാരനായി എത്തിയത് ആനന്ദ് റോഷന്‍. സിനിമയുടെ കഥയും സംവിധാനവും അനൂപിന്റേത് തന്നെ. അനീഷയുടെ അഭിനയം അനീഷയുടെ മികച്ച പ്രകടനം തന്നെയാണ് ഈ ഷോര്‍ട്ട് ഫിലിമിനെ ഇത്രയധികം ശ്രദ്ധേയമാക്കിയത് .കരഞ്ഞുകൊണ്ട് ചിരിക്കുന്ന അനീഷയുടെ നഷ്ടപ്പെട്ട പ്രണയഭാവങ്ങള്‍ ഈ ചിത്രത്തിന് കൂടുതല്‍ മിഴിവേകിയിട്ടുണ്ട്.

പ്രശംസ വരുന്നു പ്രശസ്തരും അപ്രശസ്തരും അഭിനന്ദനവുമായി എത്തിയതിന്റെ സന്തോഷത്തിലാണ് അനീഷ ഇപ്പോള്‍. തന്റെ ജന്മ നാടായ പെരിന്തല്‍മണ്ണക്കാര്‍ ഇങ്ങനെയൊരാള്‍ ഇവിടെയുണ്ടായിരുന്നുവെന്ന് അറിയുന്നത് തന്നെ ഇപ്പോഴാണെന്ന് അനീഷ പറയുന്നു.

ഇതിനകം 20ലേറെ ഹ്രസ്വചിത്രങ്ങളില്‍ അനീഷ അഭിനയിച്ചിട്ടുണ്ട്. അഭിനയിച്ച ചിത്രങ്ങള്‍ യുട്യൂബിലെത്തുമ്പോള്‍ ചിലര്‍ കാണും. നല്ലതോ ചീത്തയോ എന്ന് പറയും. അതിനിടയില്‍ മാനസാന്തരപ്പെട്ട യെസ്ഡി എന്ന മുഴുനീള ഫീച്ചര്‍ ഫിലിമിലും അഭിനയിച്ചു. എന്നാല്‍ ആളുകള്‍ എന്നെ അറിയുന്നത് എന്റെ ഹൃദയത്തിന്റെ വടക്ക് കിഴക്കേ അറ്റത്ത് എന്ന ഹ്രസ്വചിത്രത്തിലൂടെയാണ്.