സിനിമയിലെ സാധ്യതകൾക്ക് വേണ്ടി മാത്രമാണ് നടന്‍ മഹേഷ് ദിലീപ് പക്ഷത്ത് നിൽക്കുന്നതെന്ന സൂചനകളുമായി പല്ലിശ്ശേരി വീണ്ടും രംഗത്ത്‌. മംഗളം സിനിമയിലെ പതിവ് കോളമായ അഭ്രലോകത്തിലാണ് എന്തുകൊണ്ട് ദിലീപിനെ മഹേഷ് പിന്തുണയ്ക്കുന്നു എന്ന് പല്ലിശ്ശേരി വെളിപ്പെടുത്തുന്നത്.

ദിലീപിനൊപ്പം നിന്നാല്‍ സിനിമകളില്‍ അവസരം ലഭിക്കുമെന്ന പ്രതീക്ഷയിലാണ് മഹേഷ് നിലകൊള്ളുന്നതെന്ന സൂചനയാണ് പല്ലിശ്ശേരി നല്‍കുന്നത്. ദിലീപ് നായകനായ കുമാരസംഭവത്തില്‍ മഹേഷ് അഭിനയിച്ചു കഴിഞ്ഞു. മഹേഷിനെ ഈ ചിത്രത്തിലേക്ക് നേരിട്ട് ക്ഷണിച്ചത് ദിലീപ് തന്നെയായിരുന്നുവെന്നും പല്ലിശ്ശേരി വെളിപ്പെടുത്തുന്നു.

ദിലീപുമായി ബന്ധപ്പെട്ട ചാനല്‍ ചര്‍ച്ചകളില്‍ സ്ഥിരം സാന്നിധ്യമാണ് മഹേഷ്. ചര്‍ച്ചയിലുടനീളം ദിലീപിനെ അടിമുടി പിന്തുണക്കുന്ന മഹേഷിനെയാണ് കാണാന്‍ കഴിയുന്നതും. എന്തുകൊണ്ടാണ് ദിലീപിനെ മഹേഷ് ഇത്രയധികം പിന്തുണയ്ക്കുന്നതെന്നാണ് ഇത്തവണ പല്ലിശ്ശേരിയുടെ വെളിപ്പെടുത്തല്‍

പല്ലിശേരിയുടെ എഴുത്തിലെ പ്രധാന ഭാഗങ്ങൾ ഇങ്ങനെ;

നടൻ എന്ന നിലയിൽ മഹേഷിന് രക്ഷപ്പെടാൻ കഴിഞ്ഞിരുന്നില്ല. രക്ഷപ്പെടാനാകുമായിരുന്ന യുവാവിനെ ഒതുക്കുകയായിരുന്നു. ഒടുവിൽ ജീവിത മാർഗ്ഗം തേടി ഇന്ത്യ വിട്ടു. വിദേശരാജ്യങ്ങളിൽ ജീവിച്ച ശേഷം തിരികയെത്തി. ഒരു സിനിമ സംവിധാനം ചെയ്തു.

ഏതാനും സീരിയലുകളിൽ അഭിനയിച്ചു. അതൊന്നും മുന്നോട്ടുള്ള യാത്രയിൽ ഗുണകരമായിരുന്നില്ല. അതേ സമയം നന്നായി എഴുതാൻ കഴിവുള്ള ചെറുപ്പക്കാരനായിരുന്നു. അത് വേണ്ട രീതിയിൽ വിനിയോഗിച്ചില്ല. ഭാര്യയും പെൺമക്കൾക്കുമൊപ്പം സന്തോഷത്തോടെ ജീവിച്ചു. എന്നാൽ ഒരു നടനെ സംബന്ധിച്ചിടത്തോളം വെറുതെ ഇരിക്കുന്നതിൽ പരം ശിക്ഷ മറ്റൊന്നില്ല.

നിരാശനായി ജീവിക്കുമ്പോഴാണ് നടിയുടെ പീഡന സംഭവം അരങ്ങേറിയതും അതിൽ ദിലീപിന്റെ പേര് ഉൾപ്പെട്ടതും. പിന്നീട് നടന്ന സംഭവങ്ങൾ എല്ലാവർക്കും അറിയാം. പണമുണ്ടെങ്കിൽ എന്തും ചെയ്യാം എന്നതിന് തെളിവാണ് ദിലീപിന് വേണ്ടി നടന്ന കൂട്ട പ്രാർത്ഥനകളും സ്വഭാവ സർട്ടിഫിക്കറ്റ് വിതരണവും. മഹേഷ് ഇങ്ങനെ മാറാനുള്ള കാരണം അന്വേഷിച്ചു ചെന്നപ്പോഴാണ് പരസ്പര സഹകരണ സംഘത്തിന്റെ കാരണം വെളിച്ചെത്തുവന്നതെന്ന് പല്ലിശേരി പറയുന്നു.

പലരും അത് ഗോപ്യമായി വച്ചിരിക്കുന്നു. മഹേഷിന് ഗോപ്യമായി വയ്ക്കാനായില്ല. അരമന രഹസ്യം നാട്ടിൽ പാട്ടായി. അല്ലെങ്കിലും ഗർഭം എത്രനാൾ മൂടി വയ്ക്കാൻ കഴിയും? ഈ അവസ്ഥയാണ് ദിലീപിന് വേണ്ടി വാദിക്കുന്ന പലർക്കും സംഭവിച്ചത്. ഒരു ചെറിയ റോളിന് വേണ്ടി വർഷങ്ങളായി കാത്തിരുന്നിട്ടും കിട്ടാത്ത വിഷമം ദിലീപിനുണ്ടായിരുന്നു.

ദിലീപിന്റെ മുൻ സിനിമകളിൽ ഒന്നിൽ പോലും ചെറിയ റോളിൽ പോലും മഹേഷിനെ ഉൾപ്പെടുത്തിയിരുന്നില്ല. അക്കാലത്തും മഹേഷ് ഇവിടെ ഉണ്ടായിരുന്നു. എന്നാൽ ദിലീപ് മുഖേന മൂന്ന് സിനിമ ആദ്യ ഗഡുവായി ലഭിച്ചെന്നറിഞ്ഞിട്ടും ഞാൻ മൂടിവച്ചു. കാരണം തെളിവുകൾ ഉണ്ടാകട്ടെ. തെളിവുകൾക്ക് വേണ്ടി കാത്തിരുന്നപ്പോഴാണ് മഹേഷ് കമ്മാര സംഭവം എന്ന സിനിമയിൽ അഭിനയിക്കാൻ പോയത്. കമാര സംഭവത്തിലെ നായകൻ ആരാണ്? ദിലീപ്.

മുമ്പൊന്നും ഈ സിനിമയിൽ മഹേഷിനെ കുറിച്ച് ചിന്തിച്ചിരുന്നില്ല. എന്നാൽ ഇപ്പോൾ മഹേഷിനെ നേരിട്ട് അഭിനയിക്കാൻ വിളിച്ചത് ദിലീപ് തന്നെയാണ്. അങ്ങനെ മൂന്ന് സിനിമകളിൽ മഹേഷ് അഭിനയിച്ച ശേഷമാണ് ഞാനിക്കാര്യം വെളിപ്പെടുത്തിയത്.

എത്ര സിനിമയിൽ വേണമെങ്കിലും അഭിനയിച്ചോട്ടേ… എന്നാൽ ആദർശത്തിന്റെ കുപ്പായം ധരിച്ചുള്ള കപട വാക്കുകൾ സഹിച്ചില്ല. അതുകൊണ്ടാണ് വെളിപ്പെടുത്തൽ. ഇതൊക്കം ഉപകാര സ്മരണയ്ക്കുള്ള സ്തുതി അല്ലെങ്കിൽ മറ്റെന്താണ്?-പല്ലിശേരി വിശദീകരിക്കുന്നു.