പ്രേമം എന്ന മലയാളചിത്രത്തിലൂടെ നായികയായി സിനിമയിലെത്തിയ മലരിനെ അത്രപെട്ടെന്നൊന്നും മലയാളിപ്രേക്ഷകർ മറക്കില്ല. പ്രേമത്തിനുശേഷം കലി എന്ന സിനിമയിലും അഭിനയിച്ച സായി പല്ലവി ഈ അടുത്ത് ടോളിവുഡിൽ അരങ്ങേറ്റം കുറിച്ചിരുന്നു.

സായി പല്ലവിയുടെ ആദ്യ തെലുങ്ക് ചിത്രമായിരുന്നു ഫിദ. ശേഖര്‍ കമ്മുള സംവിധാനം ചെയ്ത ചിത്രത്തില്‍ വരുണ്‍ തേജിന്റെ നായികയായാണ് അഭിനയിച്ചത്. ഈ ചിത്രം സൂപ്പർ ഹിറ്റായിരുന്നു. ഈ സിനിമയുടെ നിര്‍മാതാവ് അടുത്തതായി നിര്‍മ്മിക്കുന്ന സിനിമയിലേക്കും സായിയെ ക്ഷണിച്ചിരുന്നു. എന്നാൽ ഈ ക്ഷണം സായി നിരസിച്ചിരിക്കുകയാണ്.

ദില്‍ രാജു എന്ന നിര്‍മാതാവിന്റെ അടുത്ത സിനിമയാണ് ശ്രീനിവാസ കല്യാണം. ഈ ചിത്രത്തിലാണ് നായികയായി സായിയെ ക്ഷണിച്ചത്. എന്നാൽ ചിത്രത്തിലെ കഥാപാത്രം ഇഷ്ടപ്പെട്ടില്ല എന്നാണ് സായി പറഞ്ഞത്. സായി ചിത്രം വേണ്ടന്ന് വച്ചത് നിർമാതാവിൽ അതൃപ്‍തിയുണ്ടാക്കിയിട്ടുണ്ടെന്നാണ് തെലുങ്ക് മാധ്യമങ്ങളിൽനിന്നുള്ള റിപ്പോർട്ട്.