മലയാള സിനിമകളില് അഭിനയിക്കുന്നതിന്റെ ഏറ്റവും മികച്ച കാര്യം ഇവിടുത്തെ കഥാപാത്രങ്ങളെല്ലാം യഥാര്ഥത്തിലുള്ളതായിരിക്കും; പ്രിയ ആനന്ദ്
2017ൽ പുറത്തിറങ്ങിയ മലയാള ചലച്ചിത്രം എസ്രയിലൂടെ മലയാളിപ്രേക്ഷർക്ക് പരിചിതയാണ് പ്രിയ ആനന്ദ്. നിവിൻ പോളി ചിത്രമായ കായംകുളം കൊച്ചുണ്ണിയിൽ അമല പോൾ പിന്മാറിയതിനെത്തുടർന്ന് നറുക്ക് വീണിരിക്കുന്നത് പ്രിയ ആനന്ദിനാണ്. റോഷന് ആന്ഡ്രൂസ് സംവിധാനം ചെയ്യുന്ന കായംകുളം കൊച്ചുണ്ണിയിലൂടെ നിവിൻ പോളിയുടെ നായികയായി പ്രിയ വീണ്ടും മലയാളത്തിലേക്കെത്തുമ്പോൾ ഈ ചിത്രത്തിനായി തന്റെ മറ്റു മൂന്ന് ചിത്രങ്ങൾ ഒഴിവാക്കിയിരിക്കുകയാണ് താരം. പ്രിയ ഒരു ഓണ്ലൈന് മാധ്യമത്തിന് നല്കിയ അഭിമുഖത്തിലാണ് ഇക്കാര്യം പറഞ്ഞത്.
'ഞാന് കന്നഡത്തില് മൂന്ന് ചിത്രങ്ങള് കരാര് ചെയ്തതായിരുന്നു. എന്നാല് കൊച്ചുണ്ണിക്ക് വേണ്ടി അതെല്ലാം വേണ്ടെന്നു വച്ചു. അത്രയ്ക്കും മികച്ചൊരു പ്രോജക്ട് ആണിത്. ഒരു ചരിത്ര സിനിമയുടെ ഭാഗമാകുക എന്നത് എന്റെ വലിയൊരു സ്വപ്നമായിരുന്നു.
മലയാള സിനിമകളില് അഭിനയിക്കുന്നതിന്റെ ഏറ്റവും മികച്ച കാര്യമെന്തെന്നാല് ഇവിടുത്തെ കഥാപാത്രങ്ങളെല്ലാം യഥാര്ഥത്തിലുള്ളതായിരിക്കും. റിയലിസ്റ്റിക് സിനിമകളാണ് കൂടുതലും, അതുകൊണ്ട് തന്നെ അവയുമായി എളുപ്പത്തില് താദാത്മ്യം പ്രാപിക്കാന് കഴിയും. പത്തൊന്പതാം നൂറ്റാണ്ടില് നടക്കുന്ന കഥയാണെങ്കിലും എന്റെ കഥാപാത്രം നേരിടുന്ന വിഷയങ്ങള് ഇന്നും സംഭവിക്കുന്നതാണ്. അതുകൊണ്ടു തന്നെ അവയുമായി എളുപ്പത്തില് കണക്ട് ചെയ്യാന് എനിക്ക് സാധിച്ചു. ഭാഷയായിരുന്നു ഏറ്റവും വലിയ വെല്ലുവിളി. ചരിത്ര സിനിമയായത് കൊണ്ട് തന്നെ സംഭാഷണങ്ങള് പ്രധാനമായിരുന്നു'- പ്രിയ പറഞ്ഞു.
https://www.facebook.com/Malayalivartha