കൊച്ചിയില്‍ യുവനടി ആക്രമിക്കപ്പെട്ടതിനു പിന്നാലെയാണ് സിനിമാ ലോകത്തു സ്ത്രീസുരക്ഷ വിഷയം ചര്‍ച്ചയാകുന്നത്. സിനിമാ താരങ്ങളുള്‍പ്പെടെ നിരവധി പേര്‍ പരാതിയും, ആക്ഷേപവുമായി രംഗത്തെത്തിയിരുന്നു.

കാസ്റ്റിംഗ് കൗച്ച് ഉള്‍പ്പെടെയുള്ള ആക്ഷേപങ്ങള്‍ സ്ത്രീകള്‍ ഉയര്‍ത്തിയിരുന്നു. ഇതു സംബന്ധിച്ച് നടന്‍ പൃഥ്വിരാജ് നേരിട്ട ഒരു ചോദ്യത്തിന് നലകിയ മറുപടിയില്‍ തന്റെ ശക്തമായ നിലപാടാണ് താരം വ്യക്തമാക്കിയത്.

എന്റെ സിനിമകളില്‍ സ്ത്രീകള്‍ക്ക് ഒരു പരാതിയും ഉണ്ടാവില്ലെന്ന് താന്‍ ഉറപ്പു പറയുന്നതായി പൃഥ്വിരാജ് വ്യക്തമാക്കിയത്. അതേസമയം, എങ്ങനെ താങ്കള്‍ക്ക് സിനിമയെ എങ്ങനെ ശുദ്ധീകരിക്കാന്‍ സംഭാവന നല്‍കാന്‍ സാധിക്കുമെന്ന ചോദ്യത്തിന് പൃഥ്വിയുടെ പ്രതികരണം ഇങ്ങനെയായിരുന്നൂ.. എനിക്ക് എന്റെ സിനിമകളെക്കുറിച്ച് മാത്രമേ സംസാരിക്കാന്‍ കഴിയു.

ഇതുവരെ എന്റെ സിനിമകളുടെ പേരില്‍ പരാതി വന്നിട്ടില്ല. അതുകൊണ്ടു തന്നെ തന്റെ സിനിമകളില്‍ അത്തരം പരാതികള്‍ ഉണ്ടാവില്ലെന്ന് താന്‍ ഉറപ്പു തരാമെന്നും താരം കൂട്ടിച്ചേര്‍ത്തു. നടി ആക്രമിക്കപ്പെട്ട സംഭവത്തിനു പിന്നാലെ നടിയെ പിന്തുണച്ചുകൊണ്ട് സ്ത്രീ സമൂഹത്തെ മുഴുവന്‍ പിന്തുണയും പരസ്യമായി പ്രഖ്യാപിച്ചും പൃഥ്വി നിലപാട് വ്യക്തമാക്കിയിരുന്നു.