ഞാന് വായ് തുറന്നാല് അവര് തകര്ന്നു വീഴും; പീഡനങ്ങള് തുറന്നുപറയാമെന്ന് ബോളിവുഡ് നടി
താന് നേരിട്ട ലൈംഗിക പീഡനങ്ങളെ സംബന്ധിച്ചു തുറന്നുപറയാന് തയാറാണെന്ന് ബോളിവുഡ് നടിയും മോഡലുമായ റിച്ച ഛദ്ദ. പക്ഷെ ആര്ക്കെങ്കിലും തന്റെ സുരക്ഷ ഉറപ്പുനല്കാന് കഴിയണമെന്നാണ് റിച്ചയുടെ ആവശ്യം. ഇത്തരത്തില് സുരക്ഷയൊരുക്കുമെങ്കില് താന് മാത്രമല്ല, ആയിരക്കണക്കിനുപേര് തുറന്നുപറച്ചിലുകള് നടത്തുമെന്നും താരം പറഞ്ഞു.
നിങ്ങള് എനിക്കു ജീവിതകാലം മുഴുവന് പെന്ഷന് തന്നാല്, എന്റെയും കുടുംബത്തിന്റെയും സുരക്ഷ ഉറപ്പുനല്കിയാല്, ടിവിയിലും സിനിമയിലും എനിക്ക് തുടരാന് കഴിയുമെങ്കില്, എന്റെ കരിയര് തടസമില്ലാതെ പോകുമെങ്കില് പേരുകള് തുറന്നുപറയാനും ചിലരെ നാണംകെടുത്താനും ഞാന് തയാറാണ് റിച്ച പറഞ്ഞു. എന്നാല് ആരു തനിക്കു സുരക്ഷ ഒരുക്കുമെന്ന ചോദ്യവും നടി ഉന്നയിക്കുന്നു. ഇരകള്ക്കു സുരക്ഷ ഒരുക്കുന്നതിനുള്ള പരിസ്ഥിതി സിനിമാ മേഖലയ്ക്കും സമൂഹത്തിനും നഷ്ടമായെന്നും നടി കൂട്ടിച്ചേര്ത്തു.
ഹോളിവുഡില് ഉയര്ന്ന ലൈംഗിക ആരോപണങ്ങളുടെ തരത്തില് ബോളിവുഡില് തുറന്നുപറച്ചിലുകള് നടന്നാല് നമുക്കു നിരവധി നായകന്മാരെ നഷ്ടപ്പെടുമെന്നു റിച്ച കഴിഞ്ഞ ദിവസം തുറന്നടിച്ചിരുന്നു. ഇങ്ങനെ സംഭവിച്ചാല് സ്ത്രീപക്ഷ സിനിമകള് എടുക്കുകയും പുരോഗമന വാദികളാണെന്ന് അവകാശപ്പെടുകയും ചെയ്യുന്നവരുടെ യഥാര്ഥ മുഖം പുറത്താകുമെന്നും അവര് ബ്ലോഗില് കുറിച്ചു. ഇതേതുടര്ന്ന് നടി ആരോപണവിധേയരുടെ പേരു വെളിപ്പെടുത്താത്തതിനെതിരേ വിമര്ശനങ്ങള് ഉയര്ന്നു. പിന്നാലെയാണ് റിച്ച കൂടുതല് വിശദീകരവുമായി രംഗത്തെത്തിയത്.
https://www.facebook.com/Malayalivartha
