പ്രമുഖ ചാനലില്‍ ഗായിക റിമി ടോമി അവതരിപ്പിക്കുന്ന പരിപാടിയിയില്‍ അതിഥിയായി എത്തിയ സീരിയൽ നടി മരിച്ചുപോയ നടൻ ജയന്റെ അനുജന്റെ മകളാണ് എന്ന് അവകാശപ്പെട്ട് രംഗത്തെത്തിയിരുന്നു. ഇതിനെ വെട്ടിലാക്കി യുവതിയുടെ ഫേസ്ബുക്ക് പോസ്റ്റ് ഇപ്പോൾ വൈറലാവുകയാണ്. ചാനൽ പ്രോഗ്രാമിനിടയിൽ ഒരു കാലത്ത് മലയാളികളെ ഹരം കൊള്ളിച്ച സാക്ഷാൽ ജയന്റെ സഹോദരന്റെ മകളാണ് അതിഥിയായി എത്തിയ സീരിയൽ നടി എന്ന് പറഞ്ഞ് പരിചയപെടുത്തിയതോടെയാണ് സംഭവങ്ങളുടെ തുടക്കം. ഇതോടെ യുവതി ഫേസ്ബുക്ക് ലൈവിലെത്തി താനാണ് ജയന്റെ സഹോദാരന്റെ മകൾ എന്നും, അവകാശവാദവുമായി എത്തിയ യുവതിയെ ആര്‍ക്കും അറിയില്ലെന്നും ജയന്റെ അനുജന്‍ സോമന്‍ നായരുടെ മകള്‍ ലക്ഷ്മി പറയുന്നു.

പരിപാടിയുടെ അവതാരികയായ റിമി ടോമി പോലും അതിശയിക്കുമാറാണ് യുവതി പരിപാടിയില്‍ പെരുമാറിയതും ഉത്തരങ്ങള്‍ നല്‍കിയതും. ജയഭാരതി കസിനാണെന്നും ജയനെ വല്യച്ഛന്‍ എന്നാണ് വിളിക്കുന്നതെന്നും നടി പറഞ്ഞു. അവര്‍ അനുജത്തി-ജേഷ്ഠത്തി മക്കളാണ്. എന്റെ അച്ഛന്റെ അമ്മയും വല്യച്ഛന്റെ അമ്മയും അനുജത്തിയും ചേച്ചിയുമാണ് അവര്‍ പരിപാടിയില്‍ പറയുന്നു. ഈ പ്രോഗ്രാം കണ്ടതോടെയാണ് സുഹൃത്തുക്കൾ സോമന്‍ നായരുടെ മകളോട് കാര്യങ്ങൾ അന്വേഷിച്ചത്. ഇതോടെ വെട്ടിലായ യുവതി ഫേസ്ബുക്ക് ലൈവിൽ കാര്യങ്ങൾ വിശദീകരിക്കുകയായിരുന്നു.

ഇപ്പോഴും വല്യച്ഛന്റെ പേര് പറഞ്ഞ് പല ആളുകളും പ്രത്യക്ഷപ്പെടാറുണ്ട്. ഒരിടയ്ക്ക് അദ്ദേഹത്തിന് ഭാര്യയുണ്ട്, ലവർ ഉണ്ടെന്ന് പറഞ്ഞ് പലരും വന്നിരുന്നു. അതൊക്കെ പിന്നെ കേസൊക്കെ ആയിരുന്നെന്നും അദ്ദേഹത്തിനെ അറിയാവുന്ന വ്യക്തികൾക്കും ബന്ധുക്കൾക്കും അറിയാം ഇങ്ങനെ ഒരു വ്യക്തിയെ ആർക്കും അറിയില്ലെന്നും യുവതി പറയുന്നു. ഈ സഹോദരിയോട്‌ എനിക്ക് പറയാനുള്ളത് വല്യച്ഛൻ മരണപ്പെടുന്നത് 1980 നവംബർ 16 ന് ആണ് 81ന് അല്ല. വ്യക്തമായ ഇൻഫർമേഷൻ പോലും അവർക്ക് ഇല്ല. ഒന്നുകിൽ ചാനലിൽ വന്ന് പറയുമ്പോൾ പഠിച്ചിട്ട് വന്ന് പറയണം എന്നും യുവതി പറയുന്നു.

ഇത്രയും വലിയൊരു ഇൻഫർമേഷൻ ആളുകളിലേയ്ക്ക് എത്തിക്കണം എന്ന് എനിക്ക് തോന്നി. അതൊരിക്കലും ആരെയും ഇൻസൽട്ട് ചെയ്യാനല്ല. റിമി ടോമിയോട് യുവതിക്ക് പറയാനുള്ളത്- നിങ്ങളിങ്ങനെ ചാനലിൽ ഒക്കെ ആളുകളെ കൊണ്ടുവന്നിരുത്തി ഇന്റർവ്യൂ ചെയുമ്പോൾ ഒന്നും കൂടെ കാര്യങ്ങൾ മനസിലാക്കണം. കാരണം ഒരുപാട് ആളുകൾ ഈ പ്രോഗ്രാം കാണുന്നുണ്ട്. ഒരുപാട് ആളുകളിൽ ഈ കാര്യങ്ങൾ എത്തുമ്പോൾ അത് മറ്റുള്ളവരിൽ വേദനയുളവാക്കാമെന്നും യുവതി കൂട്ടിച്ചേർക്കുന്നു.

യുവതിയുടെ വീഡിയോ സോഷ്യൽ മീഡിയ ഏറ്റെടുത്തതോടെ സീരിയൽ നടിയും ലൈവ് വീഡിയോയുമായി എത്തി. ജയൻ തനിക്ക് വല്യച്ഛന്റെ സ്ഥാനത്തുള്ള വ്യക്തി ആയതുകൊണ്ടാണ് താൻ സഹോദരന്റെ മകൾ എന്ന് പറഞ്ഞതെന്നും ഈ വീഡിയോ പോസ്റ്റ് ചെയ്തത് ഇത് തന്നെ അപമാനിക്കുകയും ആ ചാനലിനെ അപമാനിക്കുകയും റിമി ടോമിയെ അപമാനിക്കുകയും ചെയ്യുന്നത്   കൊണ്ടാണെന്നും നടി വ്യക്തമാക്കുന്നു. ലക്ഷ്മിയുടെ അമ്മയുടെയും, അച്ഛമ്മയുടെ ഫോട്ടോയും ലൈവിൽ കാണിച്ചുകൊണ്ടായിരുന്നു നടി പ്രതികരണവുമായി എത്തിയത്.

ഒരിക്കലും ഈ കുട്ടി നല്ലതോ ചീത്തയോ പറഞ്ഞ് പ്രതികരിക്കുന്നത് താൻ കണ്ടിട്ടില്ല. പക്ഷെ ഇപ്പോൾ ഈ വീഡിയോ പുറത്തുവന്നത് ജയന്റെ സഹോദരന് ഒരു മകളെ ഉള്ളു ലക്ഷ്മി...  അപ്പോൾ ആ ഒരു മകളുടെ സ്ഥാനം ഞങ്ങളാരെങ്കിലും തട്ടികൊണ്ട് പോകുമോ എന്ന് ചിന്തിച്ചിട്ടാണെങ്കിൽ പൊന്നുസഹോദരി ഞങ്ങൾക്കൊന്നും ആ സ്ഥാനം വേണ്ട. ഞാൻ ഒരു മോശമായ രീതിയിൽ മീഡിയയ്ക്കുമുന്നിൽ അവഹേളിക്കപെടുന്നത് താങ്ങാനാവില്ലെന്നും നടി കൂട്ടിച്ചേർക്കുന്നു. തീർച്ചയായും തന്നെ അപമാനിച്ചതിന് മാന നഷ്ട കേസ് കൊടുത്താൽ അവർ മറുപടി പറയേണ്ടിവരുമെന്നും നടി പറയുന്നു.