2015ൽ അൽഫോൺസ് പുത്രൻ രചനയും സംവിധാനവും നിർവഹിച്ച പ്രേമം എന്ന മലയാളചിത്രത്തിൽ മേരിഎന്ന കഥാപാത്രത്തെ അവതരിപ്പിച്ചുകൊണ്ടാണ് അനുപമ സിനിമാ രംഗത്ത് ചുവടുറപ്പിക്കുന്നത്. ഇതിലെ ചുരുണ്ട മുടിയിഴകൾ ഒരു വശത്തേയ്ക്കിട്ട മേരി എന്ന കഥാപാത്രത്തെ അത്ര പെട്ടെന്നൊന്നും മലയാളിപ്രേക്ഷകർ മറക്കില്ല. പ്രേ മം എന്ന ചിത്രത്തിലൂടെ മലയാളികളുടെ മനസ്സില്‍ ഇടം നേടിയ താരമാണ് അനുപമ.

പ്രേമത്തിനുശേഷം ദുൽക്കറിന്റെ നായികയായി ജോമോന്റെ സുവിശേഷങ്ങളിലും അനുപമ അഭിനയിക്കുന്നു. ശേഷം അന്യഭാഷാചിത്രങ്ങളിലേക്കു ചേക്കേറിയ താരം ഇപ്പോൾ തിളങ്ങിനിൽക്കുകയാണ്. 'പ്രേമത്തിന് മുന്‍പും ഞാന്‍ ഒരു സിനിമാസ്വാദക മാത്രമായിരുന്നു. എന്നാല്‍ ഇന്ന് ഒരു സിനിമ എടുക്കുന്നതിന്റെ ബുദ്ധിമുട്ട് എനിക്കറിയാം. നിരവധി പേരുടെ കഠിനാധ്വാനമാണ്. അതുകൊണ്ട് എനിക്ക് സിനിമയുടെ വിലയറിയാം.' ഒരു പ്രമുഖ വാരികയ്ക്ക് നൽകിയ അഭിമുഖത്തിൽ സംസാരിക്കുകയായിരുന്നു അനുപമ.

'എനിക്ക് ക്രഷസ് ഉണ്ടായിട്ടുണ്ട്. ഒരുപാട് സാധനങ്ങളെ പ്രേമിച്ചിട്ടുണ്ട്. ഇപ്പോഴും പ്രേമിക്കുന്നുണ്ട്. മേരിയുടെ (പ്രേമത്തിലെ അനുപമയുടെ കഥാപാത്രം) ഒരു ഭാഗ്യം എന്താണെന്നു വച്ചാല്‍ ആദ്യചിത്രത്തില്‍ തന്നെ തേക്കാന്‍ പറ്റി. തേപ്പിന്റെ സുഖം എല്ലാവരും അറിയേണ്ടതാണ്. അതിന്റെ ബ്യൂട്ടി വേറെ ലെവലാണ്. തേപ്പൊരു ആര്‍ട്ടാണ്'- അനുപമ പറഞ്ഞു.