ആ വിളി കേള്ക്കുമ്പോള് താരം പറയുന്നത് ?
സത്യന് അന്തിക്കാട് സംവിധാനം ചെയ്ത മനസ്സിനക്കരെ എന്ന മലയാള ചിത്രത്തിലൂടെയായിരുന്നു നയന്താരയുടെ സിനിമാ അരങ്ങേറ്റം. ഇന്ന് തെന്നിന്ത്യയെ അടക്കിവാഴുന്ന താരറാണിയാണ്. കഥാപാത്രങ്ങള് തിരഞ്ഞെടുക്കുന്നതില് പുലര്ത്തുന്ന കാര്ക്കശ്യവും അഭിനയമികവും നയന്താരയെ ലേഡി സൂപ്പര് സ്റ്റാറാക്കി. സൂപ്പര് നായകന്മാര് കാലാകാലങ്ങളായി അരങ്ങുവാഴുന്ന സിനിമാലോകത്ത് സ്ത്രീകള് ഈ പദവി അലങ്കരിക്കുന്നത് വളരെ അപൂര്വമായി മാത്രമാണ്.
എന്നാല്, ലേഡി സൂപ്പര് സ്റ്റാര് എന്നു വിളിക്കുമ്ബോള് നയന്താരയുടെ പ്രതികരണത്തെകുറിച്ച് പറയുകയാണ് ശിവ കാര്ത്തികേയന്. വേലൈക്കാരന് എന്ന സിനിമയുടെ പ്രചരണവുമായി ബന്ധപ്പെട്ട് ഒരു ഓണ്ലൈന് മാധ്യമത്തിന് നല്കിയ അഭിമുഖത്തിലാണ് ചിത്രത്തിലെ സഹതാരത്തെക്കുറിച്ചുള്ള ഈ ചോദ്യം ശിവകാര്ത്തികേയന് നേരിടേണ്ടിവന്നത്.
സൂപ്പര്സ്റ്റാര് പദവി നയന്താര എന്ന വ്യക്തിയെ ഒട്ടും മാറ്റിയിട്ടില്ല. സെറ്റില് ആരെങ്കിലും നയന്താരയെ അങ്ങനെ വിളിച്ചാല് 'അരുത് എന്നാണ് നയന്താര പറയാറുള്ളത്. ജോലി ചെയ്യുന്ന കാര്യത്തില് കൃത്യനിഷ്ഠയും ആത്മാര്ഥതയും കാണിക്കുന്ന ഒരു നടിയാണവര്. സത്യസന്ധയാണ്, തനിക്ക് ലഭിക്കുന്ന അവസരങ്ങള് കൃത്യമായി തിരഞ്ഞെടുക്കുന്നു. നല്ല സിനിമകള് ചെയ്യുന്നു എന്ന് മാത്രമല്ല ഒരു കഥാപാത്രത്തെ എത്രയും നന്നായി ചെയ്യാമോ അത്രയും നന്നായി ചെയ്യുന്നു. ലേഡി സൂപ്പര് സ്റ്റാര് എന്ന് വിളിക്കുന്നത് വെറുതെയല്ല ശിവകാര്ത്തികേയന് പറയുന്നു.
ഡിസംബര് 22 നാണ് വേലൈക്കാരന് പുറത്തിറങ്ങുന്നത്. ഫഹദ് ഫാസില്, പ്രകാശ് രാജ്, സ്നേഹ തുടങ്ങിയവരാണ് ചിത്രത്തിലെ മറ്റു പ്രധാനകഥാപാത്രങ്ങളെ അഭിനയിക്കുന്നത്. മോഹന്രാജയാണ് ചിത്രം സംവിധാനം ചെയ്യുന്നത്.
https://www.facebook.com/Malayalivartha