കൊടി വീരന്‍ എന്ന ചിത്രത്തിനുവേണ്ടി നടി ഷംന കാസിം മൊട്ടയടിച്ചതുകണ്ട് എല്ലാവരും അതിശയപ്പെട്ടിരുന്നു. അടുത്തിടെ പ്രേമത്തിലെ മേരിയായി മലയാള സിനിമയിലേക്കെത്തിയ അനുപമ പരമേശ്വരനും മുടി മുറിച്ച് പുതിയ ലുക്കിലെത്തിയിരുന്നു. സംവൃത, ഗായിക സിത്താര എന്നിവരും ബോയ് കട്ട് ലുക്കില്‍ വാര്‍ത്തകളില്‍ നിറഞ്ഞു നിന്നിരുന്നു. പെണ്‍സൗന്ദര്യം മുടിയാണെന്ന് കരുതുന്നവര്‍ക്ക് മുന്നിലേയ്ക്ക് വേറിട്ട കാഴ്ച നല്‍കുകയാണ് ഈ സുന്ദരികള്‍.

ഇപ്പോഴിതാ നടി ലെനയും മുടി മുറിച്ച് പുതിയ ലുക്കിലെത്തിയിരിക്കുന്നു. ബോയ്കട്ട് ലുക്കിലാണ് ലെനയുടെ വരവ്. മുടി മുറിക്കാന്‍ ലെനയ്ക്ക് പ്രചോദനമായത് എന്താണെന്ന് വ്യക്തമല്ല. പുതിയ ചിത്രത്തിലെ കഥാപാത്രത്തിനുവേണ്ടിയാണോ ലെന മുടി മുറിച്ചതെന്നും വ്യക്തമല്ല.

സീരിയലിലൂടെ സിനിമയിലേക്കത്തിയ നടിയാണ് ലെന. സഹനടിയായി മലയാള സിനിമയില്‍ തിളങ്ങിയ ലെന ഇപ്പോള്‍ സിനിമയില്‍ സജീവമാണ്. പൃഥ്വിരാജ് നായകനായ വിമാനം ആണ് ലെനയുടെ ഉടന്‍ പുറത്തിറങ്ങാനിരിക്കുന്ന ചിത്രം.