ഭാവനയെ കെട്ടിപ്പിടിച്ച് കമന്റുകള്‍ പാസാക്കി.. പരസ്പരം എന്തൊക്കെയോ പറഞ്ഞ് ചിരിച്ചു; ഭാവനയുടെ വിവാഹം ആഘോഷിച്ച് താരലോകം
താരങ്ങളെ കൊണ്ട് സമ്പന്നമായിരുന്നു ഭാവനയുടെ വിവാഹം. ചലച്ചിത്ര മേഖലയിലെ പ്രമുഖര്‍ വിവാഹത്തിന് എത്തി. സെല്‍ഫിയെടുത്തും വീഡിയോ സോഷ്യല്‍ മീഡിയയിലൂടെ ഷെയര്‍ ചെയ്തും ഭാവനയുടെ വിവാഹം ആഘോഷിക്കുകയാണ് താരലോകം. തൃശൂര്‍ ലുലു കണ്‍വന്‍ഷന്‍ സെന്റര്‍ ഇന്നലെ രാത്രി താരങ്ങളാൽ നിറഞ്ഞു. ഭാവനയ്ക്ക് ആശംസകള്‍ നേരാന്‍ ചലച്ചിത്ര പ്രവര്‍ത്തകരുടെ ഒഴുക്കായിരുന്നു.
ഭാവനയുടെ ഉറ്റ സുഹൃത്ത് പൃഥ്വി ഭാര്യ സുപ്രിയയോടൊപ്പമാണ് വേദിയില്‍ എത്തിയത്. ഭാവനയെ കെട്ടിപ്പിടിച്ച് കമന്റുകള്‍ പാസാക്കി. പരസ്പരം എന്തൊക്കെയോ പറഞ്ഞ് ചിരിച്ചു. മലയാളം അറിയാത്ത നവീനെ കളിയാക്കുകയും ചെയ്യുന്നുണ്ട് ഇരുവരും.
ലാല്‍ വേദിയില്‍ എത്തുമ്പോള്‍ ഹണീ ബീ 2വിലെ പാട്ടായിരുന്നു പശ്ചാത്തല സംഗീതമായി മുഴങ്ങിയത്. ജില്ലം ജില്ലം സോങിന് ലാല്‍ ഭാവനയോടൊപ്പം ഡാന്‍സ് ചെയ്തു. അവളെ ചേര്‍ത്ത് പിടിച്ച് ആശംസകള്‍ നേര്‍ന്നു. ഭാവനയും നവവരന്‍ നവീനും പാര്‍ട്ടി ഹാളിലേക്ക് പ്രവേശിച്ച ഉടനെ നടിമാരുടെ നൃത്തമായിരുന്നു. ഭാവനയും ഒപ്പം ചുവടുവച്ചു. ആഘോഷത്തില്‍ നവീനും പങ്കുചേര്‍ന്നു. സോഷ്യല്‍ മീഡിയയിലും ആഘോഷം പൊടിപൊടിക്കുകയാണ്.
ഇവരെ കൂടാതെ സിബി മലയില്‍, കമല്‍, പൃഥ്വിരാജ്, ടൊവീനോ തോമസ്, വിനീത്, മനോജ് കെ ജയന്‍, അനൂപ് മേനോന്‍ , റിമ കല്ലിങ്കല്‍, അര്‍ച്ചന കവി, രമ്യ നമ്പീശന്‍, മിയ, കൃഷ്ണപ്രഭ, കെ.പി.എ.സി. ലളിത, സംവിധായകന്‍ ഹരിഹരന്‍, വിനയന്‍, സജി സുരേന്ദ്രന്‍, ബൈജു കൊട്ടാരക്കര, ലിബര്‍ട്ടി ബഷീര്‍ തുടങ്ങിയ പ്രമുഖരും വിവാഹ സല്‍ക്കാര ചടങ്ങില്‍ പങ്കെടുത്തു.
https://www.facebook.com/Malayalivartha
