ഒരു കാലത്തെ ബോളിവുഡിലെ പ്രണയ ജോഡികളായിരുന്നു ഐശ്വര്യ റായിയും സല്‍മാന്‍ ഖാനും. വര്‍ഷങ്ങള്‍ ഒരുപാട് കഴിഞ്ഞു. ഐശ്വര്യ കുടുംബിനിയായി പുതിയ ജീവിതം ആരംഭിക്കുകയും ചെയ്തിരുന്നു. ഐശ്വര്യ റായിയും സല്‍മാന്‍ ഖാനും വേര്‍പിരിഞ്ഞ സമയത്ത് നിരവധി വിമര്‍ശനങ്ങളും ഉണ്ടായിരുന്നു. അക്കാര്യങ്ങള്‍ എന്തൊക്കെയാണെന്നുള്ളത് പിന്നീട് ഐശ്വര്യ ഒരു മാധ്യമത്തിന് നല്‍കിയ അഭിമുഖത്തില്‍ പറഞ്ഞിരുന്നു.

എന്നാല്‍ ഐശ്വര്യ ആരോപിച്ച കാര്യങ്ങളെ കുറിച്ച് സല്‍മാന്‍ ഖാനും വിശദീകരണം നല്‍കിയിരുന്നു. എനിക്ക് ദേഷ്യമോ സങ്കടമോ വരുമ്പോല്‍ സ്വയം ഉപദ്രവിക്കാറേ ഉള്ളു. അതല്ലാതെ താന്‍ ഒരിക്കലും ഐശ്വര്യ ഉപദ്രവിച്ചിട്ടില്ലെന്നും താരം പറയുന്നു.

മാത്രമല്ല സെറ്റിലുള്ള ഫൈറ്റര്‍ക്കോ മറ്റ് ആര്‍ക്ക് വേണേലും എന്നെ തല്ലാം. അതുകൊണ്ടാണ് ആര്‍ക്കും എന്നെ ഭയമില്ലാത്തത്. ഞാന്‍ വൈകാരികമായി പെരുമാറാറുണ്ട്. അപ്പോള്‍ തല ചുമരില്‍ ഇടിച്ചും മറ്റും സ്വയം ഉപദ്രവിക്കുകയാണ് ചെയ്യാറുള്ളത്. തനിക്ക് സ്വയം നിയന്ത്രിക്കാന്‍ കഴിയാതെ വന്നപ്പോള്‍ ഒരിക്കാല്‍ സുഭാഷ് ഘായെ മാത്രം മര്‍ദ്ധിച്ചിട്ടുണ്ടെന്നും എന്നാല്‍ പിറ്റേ ദിവസം തന്നെ അദ്ദേഹത്തോട് മാപ്പ് പറഞ്ഞിരുന്നതായും സല്‍മാന്‍ ഖാന്‍ അന്ന് പറഞ്ഞിരുന്നു.

പ്രണയം തകര്‍ന്നതോടെ ഐശ്വര്യ പറഞ്ഞ വാക്ക് പാലിച്ചിരുന്നു. ഇരുവരും പിന്നീട് ഒരു സിനിമയില്‍ പോലും അഭിനയിച്ചിരുന്നില്ല. എന്നാല്‍ ഈ വര്‍ഷം റിലീസിനെത്തിയ പത്മാവതില്‍ ഇരുവര്‍ക്കും അവസരമുണ്ടായിരുന്നു. സഞ്ജയ് ലീല ബന്‍സാലിയുടെ സിനിമയില്‍ പത്മാവതിയായി ഐശ്വര്യയെ തീരുമാനിച്ചിരുന്നു. നായകനായി സല്‍മാന്‍ ഖാന്‍ ആയിരുന്നു വരേണ്ടിയിരുന്നത്. എന്നാല്‍ ഐശ്വര്യ പിന്മാറുകയായിരുന്നു. പിന്നീട് സല്‍മാനും ആ സിനിമയില്‍ അഭിനയിച്ചിരുന്നില്ല.

പത്മാവതിയില്‍ സല്‍മാന്റെ കൂടെ അഭിനയിക്കാന്‍ ഐശ്വര്യ സമ്മതം അറിയിച്ചിരുന്നു. എന്നാല്‍ നായകന് പകരം വില്ലനായി അഭിനയിക്കണമെന്ന നിബന്ധന നടി മുന്നോട്ട് വെച്ചിരുന്നു. സിനിമയില്‍ അഭിനയിക്കാന്‍ താല്‍പര്യമുണ്ടെങ്കിലും വില്ലനാവാന്‍ സല്ലുവിനും താല്‍പര്യമില്ലായിരുന്നതായി ഇടക്കാലത്ത് വാര്‍ത്തകള്‍ പ്രചരിച്ചിരുന്നു.