പോണ്‍ സിനിമാ രംഗത്ത് നിന്നും വെള്ളിത്തിരയിലേക്ക് എത്തിയ താരമാണ് സണ്ണിലിയോണ്‍. സ്വന്തം ജീവിതം വെള്ളിത്തിരയില്‍ എത്തിക്കാനുള്ള ശ്രമത്തിലാണ് താരമിപ്പോള്‍. കരണ്‍ജീത് കൗര്‍ എന്ന് പേരിട്ടിരിക്കുന്ന വെബ്ബ് സീരിസാണ് സണ്ണിയുടെ ജീവിതകഥ പറയുന്നത്.

മറക്കാന്‍ ശ്രമിക്കുന്ന പല കാര്യങ്ങളും വേദനയോടെ വീണ്ടും അഭിനയിക്കേണ്ടി വന്നുവെന്നു സണ്ണി പറയുന്നു. സീരിസിന് വേണ്ടി തന്റെ ജീവിതത്തിലെ പല അനുഭവങ്ങളിലൂടെയും വീണ്ടും കടന്നു പോകേണ്ടി വന്നു. സീരിസിനായി അണിയറ പ്രവര്‍ത്തകര്‍ തന്നെ സമീപിച്ചപ്പോള്‍ എളുപ്പമുള്ള കാര്യമായിരിക്കുമെന്നാണ് കരുതിയത്.

എന്നാല്‍ അങ്ങനെയല്ല സംഭവിച്ചത്. ചിത്രീകരണം ആരംഭിച്ചതോടെ ഞാന്‍ വികാരഭരിതയായി. ജീവിതത്തില്‍ മറക്കാന്‍ ആഗ്രഹിക്കുന്ന പല കാര്യങ്ങളും വീണ്ടും അഭിനയിക്കേണ്ടി വന്നു. അത്തരത്തിലുള്ള ഒരു രംഗത്തില്‍ ഞാന്‍ പൊട്ടിക്കരഞ്ഞുപോയി താരം പറയുന്നു.

എന്റെ മുന്നില്‍ നിന്നുകൊണ്ട് അച്ഛന്‍ പൊട്ടിക്കരയുന്ന രംഗമായിരുന്നു അത്. ആ രംഗം വീണ്ടും ആവര്‍ത്തിച്ചപ്പോള്‍ എന്റെ നിയന്ത്രണം നഷ്ടമായി. പൊട്ടിക്കരഞ്ഞ എന്നെ ഭര്‍ത്താവ് ഡാനിയലാണ് സമാധാനിപ്പിച്ചത്. എന്റെ മാതാപിതാക്കള്‍ മരിച്ചു. അതുകൊണ്ടു തന്നെ വളരെയധികം വേദനയോടെയാണ് ആ രംഗം ചിത്രീകരിച്ചത് സണ്ണി പറഞ്ഞു.