ദുബായിലെ ഫ്ലാറ്റില് നിന്നും ജീവന് തിരിച്ചുകിട്ടിയത് ഭാഗ്യം കൊണ്ട്; നാദിർഷായുടെ സഹോദരനും കുടുംബത്തിനും ഇത് രണ്ടാം ജന്മം...
സംവിധായകന് നാദിര്ഷയുടെ സഹോദരനും കുടുംബവും രക്ഷപ്പെട്ടത് വന് ദുരന്തത്തില് നിന്ന്. ജീവിതം തിരിച്ചു കിട്ടിയ സന്തോഷത്തിലാണു നാദിര്ഷയുടെ സഹോദരന് സാലിക്കും കുടുംബവും. ഇവര് ദുബായില് സ്ഥിരതാമസമാണ്. ഒരു സുഡാനി കുടുംബം താമസിക്കുന്ന തൊട്ട് അടുത്ത ഫ്ലാളറ്റില് തീ പിടിത്തം ഉണ്ടാകുകയായിരുന്നു. തീ പിടിച്ചതിനെ തുടര്ന്നു കെട്ടിടത്തില് ഉള്ളവര് എല്ലാം പറുത്തിറങ്ങിയെങ്കിലും ഉറക്കത്തിലായിരുന്ന സാലിയും കുടുംബവും ഇതൊന്നും അറിഞ്ഞിരുന്നില്ല.
എന്നാല് ദുബായി പോലീസിന്റെ സാഹസികമായ ഇടപെടല് മൂലം ഇവര്ക്ക് ജീവിതം തിരിച്ചു കിട്ടുകയായിരുന്നു. സംഭവവത്തെക്കുറിച്ച് സാലി പറഞ്ഞത് ഇങ്ങനെ. ഉറക്കത്തിലായിരുന്ന മൂന്നു മക്കളെയും ഭാര്യയെയും വിളിച്ചുണര്ത്തി വാതില് തുറന്നപ്പോള് കൂരകൂരിരുട്ട്. കറുത്ത പുക പരിസരമാകേ പരന്നിരിക്കുന്നു. വാതില് തുറന്ന പാടെ കറുത്ത പുക മുറിയിലേയ്ക്കു കടന്നു.
കത്തിക്കരിഞ്ഞ മണം മൂക്കിലേയ്ക്ക് അടിച്ചു കയറി. പുറത്തേയ്ക്കു കടക്കാന് ഒരു മാര്ഗവും ഇല്ല. തുടര്ന്നു വാതിലടച്ചു കുട്ടികളെയും കൂട്ടി കെട്ടിടത്തിന്റെ ബാല്ക്കണിയില് അഭയം തേടി. താഴെയുള്ളവരോടു രക്ഷിക്കാന് അഭ്യര്ത്ഥിച്ചു.
മരണത്തെ മുഖം മുഖം കണ്ട കുട്ടികള് നിലവിളിക്കാന് തുടങ്ങി. കുറച്ചു കഴിഞ്ഞ് അടഞ്ഞ വാതില് തള്ളി തുറന്ന് ഒരു സിവില് ഡിഫന്സ് ഉദ്യോഗസ്ഥന് സാലിയുടേയും കുടുംബത്തിന്റെയും അടുത്ത എത്തി. ഭയപ്പെടരുത് എന്ന പറഞ്ഞ അയാള് തന്നെ പിന്തുടരാന് നിര്ദേശിക്കുകയായിരുന്നു. തുടര്ന്നു സാഹസികമായി ഇവര് തീ പിടുത്തതില് നിന്നു രക്ഷപെട്ടു.
https://www.facebook.com/Malayalivartha
