നടിയെ ആക്രമിച്ച കേസില്‍ ദിലീപ് പ്രതിയായെങ്കിലും മലയാള സിനിമാ ലോകത്ത് ദിലീപിന്റെ സ്വാധീനത്തിന് കുറവ് വന്നിട്ടെന്ന് തെളിയിക്കുന്നതായിരുന്നു കഴിഞ്ഞ ദിവസത്തെ സംഭവം.പുതിയ ചിത്രമായ കമ്മാരസംഭവത്തിന്റെ ഓഡിയോ ലോഞ്ചാണ് വേദി. കേസ് വന്നപ്പോള്‍, ദിലീപ വിരുദ്ധ ചേരിയില്‍ നില്‍ക്കുന്ന പൃഥ്വിരാജ്, നിവിന്‍ പോളി, ആസിഫ് അലി, കുഞ്ചാക്കോ ബോബന്‍ എന്നിവര്‍ നടിക്കൊപ്പമാണ് നിലയുറപ്പിച്ചത്.എന്നാല്‍ കമ്മാരസംഭവത്തിന്റെ ഓഡിയോ ലോഞ്ചിന് നിവിന്‍ പോളി എത്തിയതോടെ ഈ വാദം പൊളിഞ്ഞു.

സംവിധായകന്‍ ജോഷി, വൈശാഖ് , അരുണ്‍ ഗോപി, ബ്ലസി, ലാല്‍ജോസ്, സിദ്ദിഖ്, താരങ്ങളായ സണ്ണി വെയിന്‍ , സിദ്ധാര്‍ത്ഥ്, നമിത പ്രമോദ്, ശ്വേത മേനോന്‍ , മുരളി ഗോപി തുടങ്ങിയവരും ചടങ്ങിലുണ്ടായിരുന്നു. സിനിമാലോകത്തു ദിലീപ് ഇപ്പോഴും ശക്തനാണ് എന്ന് തെളിയിരിക്കുന്നതായിരുന്നു ചടങ്ങ്. ആത്മ വിശ്വാസത്തോടെ സ്വയം നായീകരിക്കാനും മാധ്യമങ്ങളെ കുറ്റപ്പെടുത്താനും ദിലീപ് ശ്രദ്ധിച്ചു.

തന്റെ ബിഗ് ബജറ്റ് സിനിമയായ കായകുളം കൊച്ചുണ്ണിയുടെ ഭാവിക്കും ദിലീപ് അനുകൂലികളുടെ പിന്തുണ നിവിന്‍ പോളിക്ക് ആവശ്യമാണ്.അതാണ് നിവിന്‍ പോളിയുടെ സാന്നിധ്യത്തിന് കാരണമായി പറയപ്പെടുന്നത്.

ചിത്രീകരണവും ഡബ്ബിംഗും പൂര്‍ത്തിയാക്കിയ കമ്മാര സംഭവത്തിന്റെ പോസ്റ്റ് പ്രൊഡക്ഷന്‍ ജോലികളാണ് ഇപ്പോള്‍ നടക്കുന്നത്. ഈ വിഷുവിന് ചിത്രം തിയേറ്ററുകളിലേക്കെത്തുമെന്നാണ് അണിയറപ്രവര്‍ത്തകര്‍ അറിയിച്ചിട്ടുള്ളത്. സെന്‍സറിങ് പൂര്‍ത്തിയാവാതെ ചിത്രത്തിന്റെ കൃത്യമായ ഡേറ്റ് പുറത്തുവിടാനാവില്ലെന്ന് ദിലീപ് വ്യക്തമാക്കിയിരുന്നു.