ഐറ്റം നര്‍ത്തികിമാര്‍ക്ക് ജീവിതത്തില്‍ എവിടെ നിന്നും അവഗണനയും വിവേചനവും മാത്രമായിരിക്കും ലഭിക്കുന്നത്. താന്‍ നേരിട്ട പ്രതിസന്ധികളെ കുറിച്ചു തുറന്നു പറയുകയാണ് ബോളിവുഡ് താരം സണ്ണി ലിയോണ്‍. ഒരു പ്രമുഖ മാധ്യമത്തിന് നല്‍കിയ അഭിമുഖത്തിലാണ് താരം തനിയ്ക്ക് നേരിടേണ്ടി വന്ന കയ്പുളള അനുഭവത്തെ കുറിച്ചു പങ്കുവെച്ചത്. തന്റെ 21ാം വയസു മതലാണ് കാര്യങ്ങള്‍ തകിടം മറിഞ്ഞതെന്നും സണ്ണി പറയുന്നു. താരത്തിന്റെ വെളിപ്പെടുത്തല്‍ പ്രേക്ഷകരെ അക്ഷരംപ്രതി ഞെട്ടിച്ചിട്ടുണ്ട്.

സാധാരണ വീടുകളില്‍ ഉണ്ടാകുന്ന പ്രശ്‌നങ്ങള്‍ മാത്രമേ തന്റെ വീട്ടിലും ഉണ്ടായിരുന്നുള്ളൂ. എന്നാല്‍ സമൂഹത്തില്‍ നിന്ന് കേള്‍ക്കേണ്ടി വന്നത് വലിയ വിമര്‍ശനങ്ങളായിരുന്നു. എല്ലായിപ്പോഴും വിമര്‍ശനങ്ങളില്‍ നിന്ന് തന്നേയും സഹോദരനേയും സംരക്ഷിച്ച് നിര്‍ത്തിയത് തങ്ങളുടെ കുടുംബമായിരുന്നു.
എന്നാല്‍ കാര്യങ്ങളെല്ലാം കൈവിട്ടു പോയത് തന്റെ 21 ാം വയസിലായിരുന്നു. ആളുകള്‍ വളരെ മോശമായ സന്ദേശങ്ങള്‍ അയക്കാനും മറ്റ് മോശമായ രീതിയില്‍ വിമര്‍ശിക്കാനും തുടങ്ങിയിരുന്നു. അത് തന്നെ മനസികമായി വല്ലാതെ തളര്‍ത്തിയെന്നും താരം പറഞ്ഞു. പിന്നീട് കാര്യങ്ങള്‍ പഴയ സ്ഥിതിയില്‍ എത്തിയെങ്കിലും ആ അനുഭവം തന്നെ മാനസികമായി വല്ലാതെ തളര്‍ത്തിയെന്നും താരം പറഞ്ഞു.

ഇന്ന് താന്‍ മൂന്ന് കുട്ടികളുടെ അമ്മയാണ്. ഞാന്‍ അനുഭവിച്ച അവസ്ഥ അവര്‍ക്ക് ഒരിക്കലും ഉണ്ടാകരുതെന്ന് അഗ്രഹിക്കുന്നു. ഇതാണ് തന്റെ ഇപ്പോഴത്തെ ലക്ഷ്യമെന്നും സണ്ണി കൂട്ടിച്ചേര്‍ത്തു.

ശരീരികമായോ മാനസികമായോ ആരും അവരെ ആരും മുറിപ്പെടുത്താത്ത രീതിയില്‍ നന്മയുള്ള കുട്ടികളായിട്ട് വേണം അവരെ സമൂഹത്തില്‍ തനിയ്ക്ക് വളര്‍ത്താന്‍. സമൂഹത്തില്‍ നിന്ന് തനിയ്ക്ക് നേരിടേണ്ടി വന്ന അവസ്ഥ ഒരിക്കലും അവര്‍ക്ക് ഉണ്ടാകാതെ കുഞ്ഞുങ്ങളെ വളര്‍ത്തി വലുതാക്കുമെന്നു താരം വ്യക്തമാക്കിയിട്ടുണ്ട്.