കാരണം ഞാന് മുസ്ലീമാണ്... ഹിന്ദി നടിയുടെ വിവാദ വെളിപ്പെടുത്തല്
യേ ഹേന് മൊഹബത്തേന് എന്ന സീരിയലിലൂടെ പ്രേക്ഷകരുടെ മനസ്സില് ഇടം നേടിയ താരമാണ് ഷിറീന് മിശ്ര. ഒരു പിടി ഹിന്ദി ചലച്ചിത്രങ്ങളിലും സ്വന്തമായ കയ്യൊപ്പ് പതിപ്പിച്ച താരം ഗുരുതരമായ ആരോപണം ഉയര്ത്തി വാര്ത്തകളില് ഇടം പിടിച്ചിരിക്കുകയാണ്. സമൂഹമാധ്യമങ്ങളിലൂടെയാണ് താരം തന്റെ ദുരനുഭവം പങ്ക് വെച്ചത്. താന് ഒരു മുസ്ലിം ആയതിനാല് മുംബൈയില് താമസിക്കാന് വീട് കിട്ടുന്നില്ലെന്ന് ഷീറിന് മിശ്ര ഫെയ്സ്ബുക്കില് കുറിച്ചു. ഞാന് വിദ്യാസമ്ബന്നയാണ്, എല്ലാവരും അറിയുന്ന നടിയാണ്. മുംബൈയില് വീട് ലഭിക്കാന് എനിക്ക് അര്ഹതയില്ല ഞാന് അവിവാഹിതയും മുസ്ലിമും ആണ് താരം കുറിച്ചത്.
അവിവാഹിതയാതിനാല് വന് തുകയാണ് പല ഇടനിലക്കാരും തന്നില് നിന്ന് ഈടാക്കുന്നതെന്നും താരം ആരോപിച്ചു. ആളുകളുടെ ചോരയില് എന്ത് വ്യത്യാസമാണുള്ളതെന്നും മുംബൈ പോലൊരു കോസ്മോപൊളിറ്റന് സിറ്റിയില് മതത്തിന്റെ പേരില് ആളുകളെ വേര്തിരിക്കുന്നു എന്നത് തന്നെ ഞെട്ടിച്ചുവെന്നും താരം പറഞ്ഞു. ഞാന് മദ്യപിക്കുകയോ പുക വലിക്കുകയോ ചെയ്യാറില്ല. ക്രിമിനല് പശ്ചാത്തലവുമില്ല.
നടിയായതിനാലും അവിവാഹിതയായതിനാലും ഞാന് പ്രശ്നകാരിയാണെന്ന് നിങ്ങള് എങ്ങനെയാണ് തീരുമാനിക്കുന്നത്. എന്റെ പ്രൊഫഷന് വെച്ചാണോ നിങ്ങള് എന്നിലെ വ്യക്തിയെ അളക്കുന്നത്.
കുടുംബമായി താമസിക്കുന്നവര് ബഹളമുണ്ടാക്കുന്നില്ലേ. വീടിനായി വിളിക്കുമ്ബോള് ഞാന് ഹിന്ദുവാണോ മുസ്ലിമാണോ എന്നാണ് അവര്ക്ക് ആദ്യം അറിയേണ്ടതെന്നും താരം പറഞ്ഞു. സംഭവം വിവാദമായതോടെ താരത്തിന്റെ ഫെയ്സ്ബുക്ക് പോസ്റ്റും അപ്രത്യക്ഷമായി.
https://www.facebook.com/Malayalivartha