ഞാന്‍ മനപ്പൂര്‍വം വിവാദങ്ങള്‍ സൃഷ്ടിക്കുന്നെന്ന് പറയുന്നവര്‍ കാര്യമറിയാതെ സംസാരിക്കുകയാണ്, ഷാരൂഖാന്റെ സിനിമയില്‍ അഭിനയിച്ചാല്‍ പ്രാധാന്യം ലഭിക്കില്ല, ബോളിവുഡ് കാപട്യത്തിന്റെ ലോകമാണ് കങ്കണ പറയുന്നു
ബോളിവുഡിലെ ജീവിതം രസകരമാണെങ്കിലും അവിടെ ആരെയും വിശ്വസിക്കാന്‍ കൊള്ളില്ലെന്ന് മടി കങ്കണ റണാവത്ത്. വിവാഹം കഴിച്ച ശേഷം അനുസരണയോടെ ജീവിക്കുന്നത് പോലെയാണ് ഇവിടുത്തെ കാര്യങ്ങള്‍. ഏത് നിമിഷവും എന്ത് സംഭവിക്കുമെന്ന് പറയാനൊക്കില്ല. എല്ലാവര്‍ക്കും മല്‍സര ബുദ്ധിയാണ്. പക്ഷെ, പരസ്പ്പരം തുറന്ന് പറയാറില്ല. ആരെയും വിശ്വസിക്കാനൊക്കില്ല. എങ്ങും കാപട്യമാണ്. ഓരോ ചുവടും സൂക്ഷിച്ച് വച്ചില്ലെങ്കില്‍ ഏത് നിമിഷവും അപകടങ്ങളുണ്ടാകും. ബോളിവുഡില്‍ നിന്ന് 90 ശതമാനവും കയ്‌പ്പേറിയ അനുഭവങ്ങളാണ് ഉണ്ടായത്.
ഞാന്‍ മനപ്പൂര്‍വം വിവാദങ്ങള്‍ സൃഷ്ടിക്കുന്നതായി പലരും കുറ്റം പറയുന്നുണ്ട്. കാര്യമറിയാതെയാണവര്‍ സംസാരിക്കുന്നത്. എന്റെ അവകാശങ്ങള്‍ക്കെതിരെ ഞാന്‍ പോരാടും. അപ്പോള്‍ ചീത്തപ്പേര് കേള്‍ക്കേണ്ടിവരും. അത് വിവാദങ്ങളുണ്ടാക്കും. ഇത് കാരണം എത്രയോ തവണ ദുരുതങ്ങള്‍ അനുഭവിക്കേണ്ടി വന്നിട്ടുണ്ട്. എല്ലാം സമയദോഷമാണെന്ന് കരുതി സമാധാനിക്കും. ഷാരൂഖിനൊപ്പം അഭിനയിക്കാന്‍ വിസമ്മതിച്ചതും വിവാദമായി. ഞാന്‍ എന്റേതായ രീതിയില്‍ വളരാന്‍ ആഗ്രഹിക്കുന്ന നടിയാണ്. ഷാരൂഖിനെ പോലൊരു താരത്തിന്റെ സിനിമയില്‍ അഭിനയിച്ചാല്‍ വലിയപ്രധാന്യം ലഭിക്കില്ല. എന്റെ വേഷം ശ്രദ്ധിക്കപ്പെടണമെങ്കില്‍ അത്തരത്തിലുള്ള സിനിമകളില്‍ അഭിനയിക്കണം.
ഝാന്‍സി റാണിയായി അഭിനയിച്ചതില്‍ ഏറെ സന്തോഷമുണ്ടെന്നും താരം പറഞ്ഞു. ചിത്രീകരണത്തിനിടെ വാള്‍പയറ്റിനിടെ നെറ്റിയല്‍ മുറിവേറ്റിരുന്നു. 15 സ്റ്റിച്ച് ഇടേണ്ടിവന്നു. സിനിമയില്‍ ഇത്രയും പരിക്കേ ഏറ്റുള്ളൂ. എന്നാല്‍ യഥാര്‍ത്ഥ ജീവിതത്തില്‍ ഝാന്‍സി റാണിക്ക് എന്തെല്ലാം ദുരുതങ്ങള്‍ നേരിടേണ്ടിവന്നിട്ടുണ്ടാകാം എന്ന് ഞാന്‍ ചിന്തിച്ചു. അവരുടെ ജീവിതം അഭിനയിക്കാന്‍ കഴിഞ്ഞത് മഹാഭാഗ്യമായി കരുതുന്നു. ഇന്ത്യയില്‍ പെണ്ണായി ജീവിക്കുന്നതും വലിയ മഹിമയാണ്.
https://www.facebook.com/Malayalivartha
