തെലുങ്ക് സിനിമാലോകത്തെ ഞെട്ടിച്ച് വീണ്ടും ശ്രീറെഡ്ഡിയുടെ വെളിപ്പെടുത്തൽ ; തന്നെ പീഡിപ്പിച്ചത് നടന് റാണ ദഗ്ഗുബട്ടിയുടെ സഹോദരനെന്ന് താരം ; സ്വകാര്യ ചിത്രങ്ങൾ പുറത്തു വിട്ട് നടി ശ്രീറെഡ്ഡി
തെലുങ്ക് സിനിമയിൽ നിർമാതാവിന്റെ മകൻ ലൈംഗീകമായി പീഡിപ്പിച്ചു എന്ന് ആരോപിച്ച ശ്രീ റെഡ്ഡി ആളുടെ പേരും സ്വകാര്യ ചിത്രങ്ങളും പുറത്തു വിട്ടു. സീനിയര് പ്രൊഡ്യൂസര് സുരേഷ് ബാബുവിന്റെ മകനും നടന് റാണ ദഗ്ഗുബട്ടിയുടെ സഹോദരനുമായ അഭിറാം ദഗ്ഗുബട്ടിയാണ് തന്നെ പീഡിപ്പിച്ചതെന്ന് ശ്രീറെഡ്ഡി ഒരു ചാനല് ചര്ച്ചയില് തുറന്നു പറഞ്ഞു.
അഭിറാമും ശ്രീറെഡ്ഡിയും തമ്മിലുള്ള സ്വകാര്യ ചിത്രങ്ങളും നടി പുറത്തുവിട്ടിട്ടുണ്ട്.സിനിമയില് അവസരങ്ങള് നല്കാമെന്ന് പറഞ്ഞാണ് അഭിറാം തന്നെ പീഡിപ്പിച്ചതെന്നാണ് ശ്രീറെഡ്ഡി ഉന്നയിക്കുന്ന ആരോപണം. തെലുങ്ക് സിനിമയിലെ താരങ്ങളുടെ സംഘടനയായ മൂവി ആര്ട്ടിസ്റ്റ്സ് അസോസിയേഷന് അംഗത്വം നല്കാതെ അവഗണിച്ചതിന് പിന്നാലെയാണ് സിനിമ മേഖലയിലെ ലൈംഗിക ചൂഷണങ്ങള് ഒന്നൊന്നായി നടി പുറത്തുവിട്ടത്.
സ്റ്റുഡിയോയ്ക്കുള്ളില് വെച്ച് ഒരു പ്രമുഖ നിര്മ്മാതാവിന്റെ മകന് തന്നെ ലൈംഗികമായി പീഡിപ്പിച്ചുവെന്നാന് കഴിഞ്ഞ ദിവസം ശ്രീറെഡ്ഡി ഉയര്ത്തിയ ആരോപണം. നിര്മ്മാതാവിന്റെയോ മകന്റെയോ പേര് വെളിപ്പെടുത്താതെ ആയിരുന്നു ആരോപണം ഉന്നയിച്ചത്. അതിന് ശേഷം നടന്ന ഒരു ചാനല് അഭിമുഖത്തിലാണ് നടി അഭിറാം ദഗ്ഗുബട്ടിയുടെ പേര് വെളിപ്പെടുത്തിയത്. തെലുങ്ക് സിനിമാ മേഖലയിലെ അതിശക്ത കുടുംബമാണ് ദഗ്ഗുബട്ടി.
https://www.facebook.com/Malayalivartha
