കന്നഡ സിനിമയുടെ മരുമകളായി മേഘ്നയും... ആരാധകര് കാത്തിരുന്ന നടി മേഘ്നയുടെ വിവാഹം അടുത്തു തന്നെയുണ്ടാവും
തെലുങ്ക് സിനിമയിലൂടെയാണ് അരങ്ങേറ്റം നടത്തിയതെങ്കിലും മലയാളം, കന്നഡ, തമിഴ് എന്നിങ്ങനെ തെന്നിന്ത്യന് സിനിമയില് തിളങ്ങി നിന്ന നടിയാണ് മേഘ്ന രാജ്. കന്നഡ നടനുമായി നടി പ്രണയത്തിലാണെന്ന് പലപ്പോഴും ഗോസിപ്പ് കോളങ്ങളില് വാര്ത്ത വന്നിരുന്നു.
ഏറെ നാളുകളായി ആരാധകര് കാത്തിരുന്ന നടി മേഘ്നയുടെ വിവാഹം ഉടന് തന്നെയുണ്ടാവുമെന്നാണ് റിപ്പോര്ട്ടുകള്. കഴിഞ്ഞ ഒക്ടോബറില് വിവാഹനിശ്ചയം കഴിഞ്ഞെങ്കിലും ഈ വരുന്ന മേയ് രണ്ടിനാണ് വിവാഹം തീരുമാനിച്ചിരിക്കുന്നത്. ഹിന്ദു പാരമ്ബര്യ ആചാര പ്രകാരമായിരിക്കും ചടങ്ങുകള് നടത്തുന്നത്. ബന്ധുക്കളും അടുത്ത സുഹൃത്തുക്കളും മാത്രമായിരിക്കും വിവാഹത്തില് പങ്കെടുക്കുന്നത്. വരും ദിവസങ്ങളില് വിവാഹത്തെ കുറിച്ചുള്ള കൂടുതല് കാര്യങ്ങള് നടി തന്നെ പറയുന്നത് കാത്തിരിക്കുകയാണ്.
കന്നഡ നടനും മേഘ്നയുടെ ചെറുപ്പം മുതലുള്ള സുഹൃത്തുമായ ചിരഞ്ജീവി സര്ജയുമായിട്ടാണ് വിവാഹം. ഇരുവരുടെയും കുടുംബങ്ങള് തമ്മിലും ഏറെ നാളുകളായി പരസ്പരം അറിയുന്നവരുമാണ്.
2009 ല് ബെന്ദു ആപ്പാരോ ആര്എംപി എന്ന തെലുങ്ക് സിനിമയിലൂടെയായിരുന്നു മേഘ്ന സിനിമയിലേക്കെത്തിയത്.
2010 ല് യക്ഷിയും ഞാനും എന്ന സിനിമയിലൂടെ മലയാളത്തിലേക്കെത്തിയ മേഘ്ന മലയാളത്തിലായിരുന്നു ഏറ്റവുമധികം സിനിമയില് നടി അഭിനയിച്ചിരുന്നത്. മലയാളത്തിന് പുറമെ കന്നഡ, തമിഴ് എന്നീ ഭാഷകളിലും നടി സജീവമാണ്. ഈ വര്ഷം ഇനി മൂന്ന് മലയാള സിനിമകള്. രണ്ട് കന്നഡ സിനിമ, എന്നിവയാണ് മേഘ്നയുടെ വരാനിരിക്കുന്നത്. അവയെല്ലാം ചിത്രീകരണം പൂര്ത്തിയാക്കിയും പോസ്റ്റ് പ്രൊഡക്ഷന് വര്ക്കുകള് നടക്കുന്നവയുമാണ്.
https://www.facebook.com/Malayalivartha
