കുട്ടികള്‍ക്കെതിരായ അതിക്രമങ്ങള്‍ക്കെതിരെ പ്രതികരണവുമായി മകളെ മാറോട് ചേര്‍ത്ത് സണ്ണി ലിയോണ്‍
ബോളിവുഡ് താരം സണ്ണി ലിയോണ്‍ സ്ത്രീകള്‍ക്കും കുട്ടികള്‍ക്കുമെതിരായ അതിക്രമങ്ങള്‍ക്കെതിരെ പ്രതികരണവുമായി രംഗത്തെത്തിയിരികികുകയാണ്. രാജ്യത്ത് നടക്കുന്ന സംഭവങ്ങളുടെ പശ്ചാത്തലത്തില്‍ ഭൂമിയിലെ എല്ലാ പിശാചുകളില്‍ നിന്ന് സംരക്ഷിക്കുമെന്ന് മകള്‍ക്ക് ഉറപ്പ് നല്‍കുകയാണ് സണ്ണി ലിയോണ്‍. മകളായ നിഷയെ ചേര്‍ത്ത് പിടിച്ച ഫോട്ടോയടക്കം ട്വിറ്ററിലൂടെയാണ് സണ്ണി ലിയോണ്‍ പ്രതികരിച്ചത്.
'ലോകത്തില്‍ പിശാച് കയറിയ എല്ലാവരില്‍ നിന്നും എല്ലാത്തില്‍ നിന്നും നിന്നെ സംരക്ഷിക്കുമെന്ന് ഞാന്‍ ഉറപ്പുനല്‍കുകയാണ്. നിന്റെ സുരക്ഷയ്ക്കായി എന്റെ ജീവന്‍ വരെ നല്‍കും. പിശാചിന്റെ മനസുള്ള ആളുകളില്‍നിന്ന് കുട്ടികള്‍ക്ക് സുരക്ഷിതത്വം തോന്നണം. നമുക്ക് നമ്മുടെ കുട്ടികളെ കുറച്ചുകൂടി ചേര്‍ത്ത് പിടിക്കാം. എന്ത് വിലകൊടുത്തും സംരക്ഷിക്കാം'. സണ്ണി ലിയോണ്‍ ട്വിറ്ററില്‍ കുറിച്ചു.
കത്വ സംഭവത്തില്‍ രാജ്യമെങ്ങും പ്രതിഷേധം കത്തുന്നതിനിടെയാണ് സണ്ണി ലിയോണിന്റെ പ്രതികരണം. സംഭവത്തെ അപലപിച്ചുകൊണ്ട് നിരവധി പേരാണ് രംഗത്തെത്തിയത്. ബോളിവുഡ് താരങ്ങളടക്കമുള്ളവര്‍ ഹാഷ്ടാഗുകളും പ്ലക്കാര്‍ഡുകളുമായി പ്രതിഷേധത്തിന്റെ ഭാഗമാകുകയാണ്.
https://www.facebook.com/Malayalivartha
