ബാലതാരത്തിനു പിന്നാലെ ഗായികക്കു നേരെ സോഷ്യൽ മീഡിയയിൽ ഞരമ്പ് രോഗികളുടെ ആക്രമണം. സ്വന്തം മുഖമോ വ്യക്തിത്വമോ വെളിപ്പെടുത്താത്ത അക്കൗണ്ടുകള്‍ക്ക് പിന്നിലിരുന്നാണ് പലപ്പോഴും കമന്റുകളും മെസ്സേജുകളും അഴിച്ചു വിടുന്നത്. കഴിഞ്ഞ ദിവസം ബാലതാരം നന്ദന വർമയ്ക്ക് നേരെ അശ്ലീലച്ചുവയുള്ള കമന്റുകൾ വന്നിരുന്നു . അതിനു പിന്നാലെയാണ് ഗായിക അമൃത സുരേഷിന് നേരെയും സോഷ്യൽ മീഡിയയിൽ ആക്രമണമുണ്ടായത്.

ഫോട്ടോഷൂട്ടിനിടെ പകര്‍ത്തിയ ഒരു ചിത്രം അമൃത കഴിഞ്ഞ ദിവസം ഇന്‍സ്റ്റഗ്രാമിലൂടെ പങ്കുവെച്ചിരുന്നു. ഇതിന് അടിവസ്ത്രമെവിടെ എന്ന് ചോദിച്ചു കൊണ്ട് ഒരാള്‍ അമൃതയ്ക്ക് പേഴ്‌സനല്‍ മെസേജയക്കുകയായിരുന്നു. എന്നാൽ സ്‌ക്രീന്‍ ഷോട്ട് സഹിതം അമൃതയിത് പങ്കുവെച്ചു.

'ഇന്നെനിക്ക് ഇന്‍സ്റ്റഗ്രാമില്‍ ലഭിച്ച സന്ദേശമാണിത്. ഈ മാന്യന്റെ ചോദ്യത്തിന് ആര്‍ക്കെങ്കിലും മറുപടി കൊടുക്കാമോ? നാണക്കേട്' എന്ന ക്യാപ്ഷനോടെയാണ് അമൃത സ്‌ക്രീന്‍ഷോട്ട് പങ്കുവെച്ചത്.

സംഭവത്തിൽ അമൃതയ്ക്ക് പിന്തുണയുമായി നിരവധി പേരാണ് രംഗത്ത് വന്നിരിക്കുന്നത്. ഇവനെപ്പോലെയുള്ള ഞരമ്പു രോഗികളെ നിയമത്തിന് മുന്നില്‍ കൊണ്ടു വരണമെന്നും ഇവരൊക്കെയാണ് നാളത്തെ പീഡന വീരന്മാരാകുന്നതെന്നും. നിയമ നടപടി സ്വീകരിക്കണമെന്നും സമൂഹം പ്രതികരിക്കുന്നു.

അടിവസ്ത്രം ആവശ്യപ്പെട്ടവനോട് കഴിഞ്ഞ ദിവസം നടി മീരാ നന്ദന്‍ പ്രതികരിച്ചിരുന്നു. മോശം കമന്റ് പറഞ്ഞവനോട് ബാലതാരം നന്ദന വര്‍മ്മയും ശക്തമായി പ്രതികരിച്ചിരുന്നു. സോഷ്യൽ മീഡിയ വഴി സിനിമാ താരങ്ങൾക്കെതിരെയുള്ള ആക്രമണങ്ങൾ കൂടി വരുകയാണ് പ്രത്യേകിച്ച് നടിമാരാണ് ഇതിന് കൂടുതലും ഇരകളാകുന്നത് .