പ്രേക്ഷകരെയും മത്സരാര്‍ത്ഥികളെയും ഒരു പോലെ നിരാശപ്പെടുത്തിയ ആര്യയുടെ വിവാദ ഷോയെ കുറിച്ച് പുറത്തുവരുന്ന വിശേഷങ്ങള്‍ ഇനിയും അവസാനിക്കുന്നില്ല. സോഷ്യല്‍ മീഡിയയില്‍ ഷോയെകുറിച്ച് പല ചോദ്യങ്ങളും ഉയരുന്നുണ്ട്. എന്തിനി പെണ്‍കുട്ടികളുടെ ജീവിതം വച്ച് ഇങ്ങനെ ഒരു കളികളിച്ചു എന്നാണു പ്രേക്ഷകര്‍ ചോദിക്കുന്നത്. ആര്യയുടെ വിവാദ ഷോയില്‍ മലയാളി പെണ്‍കുട്ടികളും ഉണ്ടായിരുന്നു. ഷോയുടെ അവസാന അഞ്ചു മത്സരാര്‍ത്ഥികളില്‍ ഒരാളായിരുന്നു സീതാലക്ഷമി.

ആര്യ മത്സരാര്‍ത്ഥികളെ നിരാശപ്പെടുത്തിയപ്പോള്‍ മലയാളി മത്സരാര്‍ത്ഥി സീതലക്ഷ്മിക്കു താങ്ങും തണലുമായി മാറിരിക്കുകയാണു ചങ്കു കൂട്ടുകാരും പരിപാടിയിലെ മത്സരാര്‍ഥികളുമായിരുന്ന ശ്രിയ സുരേന്ദ്രനും ശ്വേതയും. ബാങ്കുദ്യോഗസ്ഥയാണു സീതാലക്ഷ്മി. ശ്രിയ ബിരുദാനന്തരബിരുദ വിദ്യാര്‍ത്ഥിനിയും ശ്വേത മോഡലുമാണ്. ശ്രിയ ഇന്‍സ്റ്റഗ്രാമില്‍ പങ്കുവച്ച കുറിപ്പില്‍ പറയുന്നത് ഇങ്ങനെ. നീ ഓക്കേ അല്ലെന്ന് എനിക്കറിയാം.

പക്ഷെ, ഞങ്ങളുണ്ട് നിന്റെ കൂടെ. ആളുകള്‍ നിന്നെ സ്‌നേഹിക്കുന്നുണ്ടാകും വെറുക്കുന്നുണ്ടാകും വിലയിരുത്തുന്നുണ്ടാകും. നമ്മള്‍ പരസ്പരം എങ്ങനെ നിലകൊള്ളുന്നുവെന്നതാണ് നമ്മെ നാം ആക്കുന്നത്. ശ്രിയ തന്റെ ഇന്‍സ്റ്റാഗ്രാമില്‍ പങ്കുവച്ച കുറിപ്പില്‍ പറയുന്നു. സുഹൃത്തുക്കള്‍ കഷ്ടതയുടെ സമയത്താണ് അവരുടെ സ്‌നേഹം പ്രകടമാക്കേണ്ടത്, അല്ലാതെ സന്തോഷ സമയങ്ങളിലല്ല എന്ന് ശ്വേതയുടെ കുറിപ്പിലും പറയുന്നു.

നീ എന്നും ഇതേപോലെ സന്തോഷത്തോടെ ഇരിക്കുന്നതാണ് എനിക്ക് വേണ്ടത്, എന്നും സന്തോഷത്തോടെ മാത്രം ഇരിക്കൂ എന്നും പറഞ്ഞ് സീതയുടെ രസകരമായ വിഡിയോയും പങ്കുവച്ചിട്ടുണ്ട് ശ്വേത. ആര്യയുടെ തീരുമാനത്തെ മാനിക്കുന്നു എന്നും വേണ്ട സമയത്ത് ചിന്തിച്ച് അദ്ദേഹം തീരുമാനം പറയട്ടെ എന്നുമായിരുന്നു ഫൈനലില്‍ എത്തിയ മൂന്നു പെണ്‍കുട്ടികളും പറഞ്ഞത്.