ഓസ്ട്രലിയയിൽ നടക്കാനിരുന്ന മഞ്ജുവിന്റെ സ്റ്റേജ് ഷോ മുടങ്ങി; പിന്നിൽ കളിച്ചത് ആര് ?
ഏറെ മാസങ്ങൾ നീണ്ട തയ്യാറെടുപ്പുകൾക്ക് ശേഷം മഞ്ജു വാര്യർ സ്റ്റേജ് ഷോ നടത്താൻ ഓസ്ട്രേലിയ പെർത്തിൽ എത്തി. ഏറെ വിവാദങ്ങൾ നിറഞ്ഞു നിന്ന പരിപാടിയിൽ നാടകീയ സംഭവ വികാസങ്ങൾ. പെർത്തിൽ 27ന് നടക്കേണ്ട മെഗാ സ്റ്റേജ് ഷോ മുടങ്ങി. പരിപാടിക്കായി മഞ്ജു വാര്യർ വന്ന ശേഷമാണ് പരിപാടി മാറ്റിവയ്ച്ചതായി അറിയിപ്പ് വന്നത്. 27ന് നടക്കേണ്ട മെഗാ ഷോ 28ലേക്ക് മാറ്റിവയ്ച്ചെന്നാണ് സംഘാടകർ ഇറക്കിയ അറിയിപ്പിൽ പറയുന്നത്.
എന്നാൽ പരിപാടിയുമായി ബന്ധപ്പെട്ടുള്ള പിന്നണി കലാകാരന്മാർ കേരളത്തിൽ നിന്നും വന്നില്ല. ഇവർ കൊച്ചി വിമാനത്താവളത്തിൽ എത്തി എങ്കിലും വിമാനം കയറാനാവാതെ മടങ്ങുകയായിരുന്നു. ഇവർക്ക് ആവശ്യമായ വിമാന ടിക്കറ്റ് എടുത്ത് സംഘാടകർ നല്കിയിരുന്നില്ല എന്നാണ് സംഘാടകരുമായി ബന്ധപ്പെട്ട ഭാഗത്ത് നിന്നും പുറത്തുവരുന്നത്. പരിപാടിയിലേ 7 ടെക്നീഷ്യന്മാരാണ് ഇനി എത്താനുള്ളത്. ഇതിനിടെ പരിപാടിക്കെതിരേ കേരളത്തിൽ നിന്നും ചില നീക്കങ്ങൾ ഉണ്ടായി എന്നും പിന്നണി കലാകാരന്മാരേ മഞ്ജുവിന്റെ പരിപാടിയിൽ നിന്നും പിന്മാറ്റാൻ നീക്കം നടത്തിയതായും പറയുന്നു.
പെർത്തിൽ ഇന്നു നടക്കുന്ന പരിപാടി മുടങ്ങിയതോടെ പരിപാടിക്ക് ടികറ്റ് എടുത്ത പ്രവാസി മലയാളികൾ ടികറ്റ് കാശ് തിരിച്ചു ചോദിച്ച് തുടങ്ങി. ഏറെ നാൾ മുമ്പ് നേഴ്സുമാരും, ജോലിക്കാരും ഇന്ന് പരിപാടി കാണാൻ ലീവ് എടുത്തിരുന്നു. അപ്രതീക്ഷിതമായി പരിപാടി മാറ്റിയതിനാൽ മാറ്റിയ ദിവസത്തേക്ക് ജോലിയുള്ളവർക്ക് ഇനി ലീവ് കിട്ടില്ല. ജോലിക്ക് പോകുന്നവർക്ക് പരിപാടിക്ക് എത്തുവാൻ സാധിക്കില്ലാത്തതിനാൽ നാളെ നടക്കുന്ന പരിപാടിക്ക് ആളും കുറയും.
പെർത്തിൽ വെസ്റ്റേൺ ഓസ്ട്രേലിയയിൽ കാൽ ലക്ഷത്തിലേറെ മലയാളികൾ ഉണ്ട്. ഇവരിൽ വെറും 650 പേർ മാത്രമാണ് ടികറ്റ് എടുത്തത്. കേരളത്തിലേ മെഗാ ലേഡി സ്റ്റാർ വരുന്ന ഒരു പരിപാടിക്ക് മലയാളികൾ വിട്ട് നില്ക്കാൻ കാരണം ഉണ്ട്. കേരളത്തിന്റെ ലേഡി സൂപർ സ്റ്റാറിന്റെ 27ന് പെർത്തിൽ നടക്കേണ്ട പരിപാടി മുടങ്ങിയതിനു പിന്നിൽ ആരാകും. കേരളത്തിൽ നിന്നുള്ള ലോബിയായിരിക്കുമോ? അതോ ഓസ്ട്രേലിയൻ അധികൃതരിൽ കൊടുത്ത പരാതികളോ?
അതോ അമിതമായ ടികറ്റ് നിരക്ക് മൂലം പ്രവാസി മലയാളികൾ വിട്ട് നിന്നതോ? അതോ പരിപാടിയുടെ ടെകിനിക്കൽ ടീമിന്റെ യാത്രം മുടക്കിയത് ആരാകും? നാളെ നടക്കുന്ന പരിപാടികളിൽ ടികറ്റ് എടുത്തവർ പലരും വരാൻ സാധ്യതയില്ല. അവർക്ക് മുൻ കൂട്ടി നിശ്ചയിച്ച ജോലി തിരക്കുകൾ ഉള്ളതിനാലാണ്. ഓസ്ട്രേലിയയിൽ നിയമ പ്രകാരം ഉടൻ ഒരു ജീവനക്കാരന് അവധി ലഭിക്കത്തില്ല.
കൂട്ടമായി സിക്ക് ലീവ് എടുത്താൽ അതും പിടി വീഴും. വ്യാജ സിക്ക് ലീവുകൾ എടുത്ത് മുമ്പ് പല പരിപാടിക്കും പോയവരേ വീഡിയോ, ഫോട്ടൊ, സി.സി.ടി.വി തെളിവുകൾ വയ്ച്ച് പിടികൂടുകയും ജോലിയിൽ നിന്നും പിരിച്ചു വിട്ട സംഭവവും ഉണ്ടായിട്ടുണ്ട്. മാത്രമല്ല ഇത്തരം സംഭവങ്ങൾ പരിപാടിയുടെ വിമർശകരായ ആളുകൾ തന്നെ ചോർത്തിയും കൊടുക്കും എന്നതും വിഷയമാണ്.
https://www.facebook.com/Malayalivartha