പ്രായം കൂടുന്നെന്ന് ചിന്തിച്ചാല് സമാധാനമായി ജീവിക്കാനൊക്കില്ല, നര ബാധിച്ചാലും ചര്മ്മം ചുളുങ്ങിയാലും മറച്ച് വയ്ക്കില്ല, ചുക്കും ചുളുക്കും പ്രകൃതിദത്തമാണ് ദീപികാ പാദുക്കോണ് പറയുന്നു
അന്നും ഇന്നും ദീപികാ പാദുക്കോണ് ഒരുപോലെയാണ്. സിംപിള്, ഹംപിള് ആന്ഡ് ബ്യൂട്ടി. ഈ പ്രസരിപ്പും സൗന്ദര്യരഹസ്യവും എന്താണെന്ന് ചോദിച്ചാല് താരം പറയും; മസാലദോശയും വടയുമാണെന്ന്. വളരെയേറെ ഇഷ്ടമുളള ഭക്ഷണമാണ്. പക്ഷെ, കഴിക്കുമ്പോള് മിതത്വം പാലിക്കും. പ്രായം കൂടുന്നതില് ആശങ്കയില്ലെന്നും താരം വ്യക്തമാക്കി. പ്രായമാകുന്നത് അംഗീകരിച്ചില്ലെങ്കിലും അത് നമ്മെ തേടിവരും. വയസാകുന്തോറും അതിന് അനുസരിച്ചുള്ള സൗന്ദര്യത്തോടെ ജീവിക്കും. നര ബാധിച്ചാലും ചര്മ്മം ചുളുങ്ങിയാലും മറച്ച് വയ്ക്കില്ലെന്നും ചുക്കും ചുളുക്കും പ്രകൃതിദത്തമാണെന്നും ദീപിക പറയുന്നു.
പ്രായം കൂടുന്നെന്ന് ചിന്തിച്ചാല് സമാധാനമായി ജീവിക്കാനൊക്കില്ലെന്നും ദീപികാ പാദുക്കോണ് പറയുന്നു. പണ്ട് അച്ഛന് സൗന്ദര്യ ബോധവല്ക്കരണം നടത്തുമായിരുന്നെന്നും താരം ഓര്ക്കുന്നു. പ്രകൃതിസ്നേഹിയായ അച്ഛന് പ്രകാശ് പാദുക്കോണ് ലോകം അറിയപ്പെടുന്ന ബാഡ്മിന്റണ് താരമാണ്. പ്രകൃതിയോട് ഇണങ്ങി ജീവിക്കണമെന്നാണ് അച്ഛന് പറയുന്നത്. താനും സഹോദരിയും അങ്ങനെയാണ് ജീവിക്കുന്നത്. കായികപരിശീലനത്തിന് പണ്ട് മുതലേ അച്ഛന് നിര്ബന്ധിക്കുമായിരുന്നു. ബാല്യം തൊണ്ട് ബാഡ്മിന്റണ് പരിശീലിക്കുന്നുണ്ടെന്നും ദീപിക പറയുന്നു.
ചെറുപ്പം മുതലേ വെളിച്ചെണ്ണയാണ് ദീപിക ഉപയോഗിക്കുന്നത്. തലമുടി സംരക്ഷിക്കാനും തിളക്കം കിട്ടാനും വെളിച്ചെണ്ണ പോലെ വേറെ ഔഷധമില്ല. രാസവസ്തുക്കള് കലര്ന്നതൊന്നും തലമുടിയില് തേക്കില്ല. വിദേശത്ത് പോകുമ്പോള് പലരുടെയും കേശാലങ്കാരള് കണ്ട് അത്ഭുതപ്പെട്ടിട്ടുണ്ട്. താനും അനുജത്തിയും അതൊക്കെ പരീക്ഷിച്ച് നോക്കിയിട്ടുണ്ടെന്നും ദീപിവ പറയുന്നു. ഡയാനരാജകുമാരിയാണ് സൗന്ദര്യത്തില് റോള് മോഡല്. അവരുടെ ഓരോ അംഗചലനങ്ങളിലും പ്രസരിപ്പ് തുടിച്ച് നില്ക്കുകയാണെന്ന് താരം പറഞ്ഞു.
https://www.facebook.com/Malayalivartha