തന്റെ സിനിമാ ജിവിതത്തില്‍ ഒരുപാട് കുറ്റപ്പെടുത്തലുകളും അധിക്ഷേപവും കേട്ടിട്ടുണ്ടെന്ന് ഇളയദളപതി വിജയ്. സിനിമകള്‍ പരാജയപ്പെട്ടപ്പോഴൊക്കെ പലരും മോശമായി രീതിയില്‍ പെരുമാറിയെന്ന് പുലി എന്ന ചിത്രത്തിന്റെ ഓഡിയോ ലോഞ്ച ചടങ്ങില്‍ വിജയ് പറഞ്ഞു.

എന്നാല്‍ ആ അവഹേളനങ്ങളും കുറ്റപ്പെടുത്തലുമാണ് ഇന്ന് താന്‍ നേടിയ വിജയമെന്നും വിജയ് പറയുന്നു. വിജയ് യുടെ 58 മത്തെ ചിത്രമാണ് ചിമ്പു ദേവന്‍ സംവിധാനം ചെയ്യുന്ന പുലി. വിജയ് യുടെ 58 മത്തെ ചിത്രമാണ് പുലി. കത്തിയുടെ മികച്ച വിജയത്തിന് ശേഷം വിജയ് നായകനാകുന്ന ചിത്രമെന്ന പ്രത്യേകതയും പുലിക്കുണ്ട്.
ചിത്രത്തില്‍ താരം ഇരട്ട വേഷത്തിലാണ് എത്തുന്നത്. ഫാന്റസി ചിത്രങ്ങളിലൂടെ ശ്രദ്ധേയനായ ചിമ്പുദേവന്റെ അഞ്ചാമത്തെ ചിത്രമാണ് പുലി. ഇംസൈ അരസന്‍ 23ഉം പലികേശി എന്ന ബ്ലോക്ബസ്റ്റര്‍ ചിത്രത്തിലൂടെയാണ് ചിമ്പുദേവന്റെ അരങ്ങേറ്റം. ചിത്രത്തില്‍ മൂന്ന് നായികമാരില്‍ ഒരാള്‍ ശ്രുതി ഹസനാണ്. ചിത്രത്തിന് വേണ്ടി വിജയ്‌ക്കൊപ്പം ഒരു പാട്ടും ശ്രുതി പാടിയിട്ടുണ്ട്. ഹന്‍സികയാണ് മറ്റൊരു നായിക. നേരത്തെ വേലായുധം എന്ന ചിത്രത്തില്‍ ഹന്‍സിക വിജയ്‌ക്കൊപ്പം അഭിനയിച്ചിട്ടുണ്ട്.
വര്‍ഷങ്ങളുടെ ഇടവേളയ്ക്ക് ശേഷം ശ്രീദേവി തമിഴിലേക്ക് മടങ്ങിയെത്തുന്നു എന്നതാണ് പുലിയെ സംബന്ധിച്ച് മറ്റൊരു പ്രത്യേകത. ചിത്രത്തില്‍ നന്ദിത ശ്വേതയും ഒരു പ്രധാന വേഷം ചെയ്യുന്നു. നേരത്തെ ഈ വേഷത്തിന് വേണ്ടി പരിഗണിച്ചത് ഭാവനയെ ആണെന്ന് വാര്‍ത്തകളുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha