തമിഴില്‍ താരങ്ങള്‍ തമ്മിലുള്ള മത്സരത്തേക്കാള്‍ വലിയ മത്സരമാണ് ആരാധകര്‍ തമ്മില്‍ നടക്കുന്നത്. അതുകൊണ്ട് ആരാധകരെ കയ്യിലെടുക്കാന്‍ ഏതു രൂപമാറ്റത്തിനും താരങ്ങളും തയ്യാര്‍. വിജയിയുടെ പുലി മാസങ്ങളായി വാര്‍ത്തകളില്‍ നിറഞ്ഞു നില്‍ക്കുകയാണ്. അതിനിടെയാണ് തലയുടെ വരവ്.
ഇളയ ദളപതി വിജയിയെ പിന്നിലാക്കി തല. പുലിയേക്കാള്‍ സോഷ്യല്‍ മീഡിയകളില്‍ ട്രെന്‍ഡ് അജിത്ത് നായകനാകുന്ന വേതാളമാണ്. ബുധനാഴ്ചയാണ് വേതാളത്തിന്റെ ഫസ്റ്റ് ലുക്ക് പുറത്ത് വിട്ടത്. ഇതേ ദിവസം തന്നെ പുലിയുടെ രണ്ടാം ട്രെയിലറും പുറത്തിറങ്ങി. എന്നാല്‍ ഒരു ദിവസം പിന്നിട്ടപ്പോള്‍ പുലിയേക്കാള്‍ സോഷ്യല്‍ മീഡിയയെ ഇളക്കി മറിച്ചത് വേതാളത്തിന്റെ പോസ്റ്റര്‍ തന്നെ.
വീരം എന്ന ചിത്രത്തിന് ശേഷം അജിത്തിനെ നായകനാക്കി ശിവ സംവിധാനം ചെയ്യുന്ന ചിത്രമാണ് വേതാളം. ചിത്രത്തില്‍ ടാക്‌സി ഡ്രൈവറുടെ വേഷത്തിലാണ് അജിത്ത എത്തുക. ചിത്രത്തിന്റെ ഭൂരിഭാഗവും കൊല്‍ക്കത്തയിലാണ് ചിത്രീകരിക്കുന്നത്. ശ്രുതി ഹസനും ലക്ഷ്മി മേനോനുമാണ് ചിത്രത്തിലെ നായികമാര്‍.അനിരുദ്ധ് ആദ്യമായി അജിത് ചിത്രത്തിന് സംഗീതമൊരുക്കുന്നുവെന്ന പ്രത്യേകതയും വേതാളത്തിനുണ്ട്. ദീപാവലി റിലീസായി എത്തുന്ന ചിത്രം വീരം, യെന്നൈ അറിന്താല്‍ എന്നീ സിനിമകള്‍ക്ക് ശേഷം എ എം രത്‌നം നിര്‍മ്മിക്കുന്ന അജിത് ചിത്രം കൂടിയാണ്.
വിജയിയുടെ പുതിയ ചിത്രമായ പുലിയുടെ രണ്ടാമത്തെ ട്രെയിലറിനും മികച്ച സ്വീകരണമാണ് കിട്ടിയത്. രണ്ടരമണിക്കൂറിനുള്ളില്‍ രണ്ട് ലക്ഷത്തിലധികം പേര്‍ ഈ ട്രയിലര്‍ കണ്ടു. ആഗസ്തില്‍ റിലീസ് ചെയ്ത പുലിയുടെ ആദ്യ ട്രെയിലര്‍ യൂട്യൂബില്‍ ഏറ്റവും കൂടുതല്‍ ലൈക് കിട്ടിയ ഇന്ത്യന്‍ ട്രെയിലറായിരുന്നു. ഒക്‌ടോബര്‍ ഒന്നിന് തമിഴ്, തെലുങ്ക്, ഹിന്ദി എന്നിങ്ങനെ മൂന്നു ഭാഷകളിലായിട്ടാണ് പുലി എത്തുക. ചിമ്പുദേവാണ് പുലി സംവിധാനം ചെയ്യുന്നത്. നരച്ച തലയുമായി തരംഗം തീര്‍ത്ത താരമാണ് തല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha