യെന്തിരന് 2: രജനികാന്തിന്റെ വില്ലനായി ബോളിവുഡ് നടന് അക്ഷയ് കുമാര്
തമിഴിലെ സൂപ്പര് സംവിധായകന് ശങ്കര് സംവിധാനം ചെയ്യുന്ന യെന്തിരന് 2ല് ബോളിവുഡ് നടന് അക്ഷയ് കുമാര് വില്ലനായി എത്തുന്നു. രജനികാന്തും എമി ജാക്സണുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. സംവിധായകന് ഷങ്കറിനൊപ്പം രജനികാന്തും അക്ഷയ് കുമാറും നായിക ആമി ജാക്സണും സംഗീത സംവിധായകന് എ ആര് റഹ്മാനും ചേര്ന്നുള്ള ഫോട്ടോ പുറത്തുവന്നതോടെയാണ് ചിത്രത്തില് വില്ലനാരാണെന്ന് സ്ഥിരീകരിച്ചത്. ഹോളിവുഡില് നിന്നും വില്ലന് കഥാപാത്രം വരുന്നുവെന്നും ആര്ണോള്ഡ് ഷ്വാസ്നെഗര് വില്ലനായി എത്തുമെന്നുമായിരുന്നു നേരത്തെയുള്ള വാര്ത്തകള്.
കഴിഞ്ഞ ദിവസം ചെന്നൈയിലെത്തിയ അക്ഷയ് കുമാര് ചിത്രത്തിന്റെ പൂജയില് പങ്കെടുത്തു. പിന്നീട് ശങ്കറുമായി ചര്ച്ചയും നടത്തി. ചിത്രത്തിന്റെ ഷൂട്ടിംഗ് ചെന്നൈയിലുള്ള ഇ.വി.പി. ഫിലിം സിറ്റിയില് തുടങ്ങി. ഒരു ഗാനരംഗത്തിന്റെ ചിത്രീകരണത്തോടെയാണ് ശങ്കറിന്റെ തന്റെ പതിമൂന്നാമത്തെ ചിത്രം ആരംഭിച്ചത്. യന്തിരന് വേണ്ടി സംഗീതം ഒരുക്കിയ എ.ആര്.റഹ്മാന് തന്നെയാണ് രണ്ടാം ഭാഗത്തിനും സംഗീതം നിര്വഹിക്കുന്നത്. ഇന്ത്യന് സിനിമാ ചരിത്രത്തിലെ ഏറ്റവും ചെലവേറിയ ചിത്രമായി വിശേഷിക്കപ്പെടുന്ന യന്തിരന് 2 നിര്മ്മിക്കുന്നത് ലിക്കാ ഇന്റര്നാഷണല് ആണ്. ബോളിവുഡില് നിന്നുമുള്ള ഒരു പ്രമുഖ നടിയും ചിത്രത്തിലുണ്ടാവുമെന്ന് അറിയുന്നു. നീരവ് ഷാ ഛായാഗ്രഹണം നിര്വഹിക്കുന്ന യന്തിരന് 2വില് മേക്കപ്പ് കൈകാര്യം ചെയ്യുന്നത് ഹോളിവുഡിലെ പ്രശസ്തമായ വീറ്റ വര്ക്ക്ഷോപ്പില് നിന്നുമുള്ള സീന് ഫുട്ട് ആണ്.
എആര് റഹ്മാന് തന്റെ ഫെയ്സ്ബുക്ക് പേജില് രജനിയും നായിക ആമി ജാക്സണും ഷങ്കറും അക്ഷയ്കുമാറും ചേര്ന്നുള്ള ഫോട്ടോ പോസ്റ്റ് ചെയ്തിരുന്നു. അക്ഷയ്കുമാറും ട്വിറ്ററില് ഫോട്ടോ പോസ്റ്റ് ചെയ്തിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha