തമിഴ്കത്തിന്റെ പ്രിയ നടന്‍ അജിത്ത് ബിജെപിയിലേക്കെന്ന് റിപ്പോര്‍ട്ടുകള്‍. തമിഴ്‌നാട് നിയമസഭാ തെരഞ്ഞെടുപ്പിന് മുന്നോടിയായി അജിത് പ്രധാനമന്ത്രി നരേന്ദ്ര മോഡിയെ സന്ദര്‍ശിച്ചേക്കുമെന്നാണ് റിപ്പോര്‍ട്ട്. വരുന്ന തെരഞ്ഞെടുപ്പില്‍ ബി.ജെ.പിയെ പിന്തുണയ്ക്കുന്ന കാര്യം അജിത് കൂടിക്കാഴ്ചയില്‍ മോഡിയെ അറിയിക്കുമെന്നും തമിഴ് ഓണ്‍ലൈന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു.
തെന്നിന്ത്യയില്‍ ഏറെ ആരാധകരുള്ള താരമാണ് അജിത്. ഇതുവരെ ഒരു രാഷ്ട്രീയ പാര്‍ട്ടിയോടും ആഭിമുഖ്യം കാണിക്കാത്ത അജിത് ബി.ജെ.പിയില്‍ ചേരുമെന്നാണ് സൂചന. അതേസമയം വാര്‍ത്തകളോട് അജിത്തോ ബി.ജെ.പിയോ പരസ്യപ്രതികരണത്തിന് തയ്യാറായിട്ടില്ല. അജിത് രാഷ്ര്ടീയത്തില്‍ പ്രവേശിക്കുമെന്ന സൂചനകളെ തമിഴക രാഷ്ര്ടീയവും കരുതലോടെയാണ് കാണുന്നത്.

മങ്കാത്ത എന്ന സിനിമയുടെ റിലീസിന് മുന്നോടിയായ അജിത് തന്റെ ഫാന്‍സ് അസോസിയേഷനുകള്‍ പിരിച്ചുവിട്ടിരുന്നു. അജിത് വിജയ് ആരാധകര്‍ തമ്മിലുള്ള അനാരോഗ്യകരമായ ശത്രുത മുന്‍നിര്‍ത്തിയാണ് ആരാധക സംഘടന പിരിച്ചുവിട്ടത്. അജിത്തിന്റെ രാഷ്ടീയത്തെ വലിയ പ്രതീക്ഷയോടെയാണ് ആരാധകര്‍ കാണുന്നത്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
Https://www.facebook.com/Malayalivartha